Shërbimi elektronik u vjen në ndihmë qytetarëve të aplikojnë për t'u pajisur me licensën e ushtrimit të funksionit të Administratorit të Falimentit. Pas dërgimit të aplikimit tek Agjensia Kombëtare e Falimentimit (ABSA), specialisti i Zyrës së Vlerësimit të ABSA-s bën shqyrtimin e aplikimit dhe të dokumentacionit shoqërues. Në rastin kur aplikimi është i rregullt, shtetasi njoftohet se aplikimi i tij është pranuar dhe përgjigjes i bashkëlidhen edhe dokumente plotësuese informuese, në lidhje me proceset që ai duhet të ndjekë në vazhdimësi. Kjo përgjigje i dërgohet shtetasit me e-mail, si dhe tek hapësira “Dokumentet e Mia” te portali e-Albania. Nëse përgjigjja është kërkuar edhe në formatin letër, atëherë ai njoftohet se duhet te paraqitet pranë Agjencisë Kombëtare të Falimentimit për t'a tërhequr atë. Në rastin kur aplikimi nuk është i rregullt dhe nuk pranohet, shtetasi njoftohet për këtë fakt nga specialisti i zyrës së vlerësimit me anë të e-mail.

Dokumentacioni i nevojshëm

Dokumente që sigurohen nga nëpunësit e administratës	Dokumente që ngarkohen nga aplikanti
1. Dëshmi penaliteti	1. Diplomën, së bashku me listën e notave të noterizuar me anë të së cilës provon përfundimin e një nga programeve të ciklit të dytë të studimeve, sipas legjislacionit për arsimin e lartë
2. Vërtetim të organeve se nuk ka detyrime financiare të papaguara	2. CV së bashku me dokumentacionin që provon
	3. Dokumentacion me anë të cilit provon se zotëron një garanci bankare në vlerën 1 000 000(milion) lekë

* Mbledhja e dokumentacionit shoqërues të mësipërm që më parë ishte detyrim të dorëzohej në zyrat e shtetit nga vetë aplikanti, tani është detyrë e nëpunësit të administratës ndaj qytetarit. Me dhënien e aprovimit, ju bini dakord që këto dokumente të sigurohen për ju nga nëpunësi i administratës.

Hapat e procedurës
- Identifikohuni si qytetar në portalin e-Albania; - Zgjidhni shërbimin "Licensimi i Administratorëve të Falimentit"; - Plotësoni të dhënat e formularit, bashkëngjitni dokumentet plotësuese që kërkohen për këtë aplikim dhe dërgoni aplikimin; - Zyra e Vlerësimit bën shqyrtimin e aplikimit dhe te dokumentacionit përkatës; - Zyra e Vlerësimit njofton aplikantin nëse aplikimi është pranuar apo refuzuar së bashku me arsyetimin përkatës. Në rastin kur aplikimi është pranuar atëherë Zyra e Vlerësimit bashkangjit edhe informacionet e nevojshme për aplikantin në lidhje me licensimin e tij.

Koha e nevojshme e marrjes së shërbimit
30 ditë

Periudha e vlefshmërisë
2 vjet

Kostot
Pa pagesë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al
Shkarko Kartelën Adisa
Licencimi i administratorëve të falimentimit (AL036001)