Shërbimi elektronik "Gjurmim i çështjes nga Qendra Kombëtare e Biznesit/ngarkim i mandat pagesës për leje/licencë" mundëson verifikimin e statusit të aplikimit, pasi subjekti ka kryer aplikimin nëpërmjet sportelit elektronik (online). Çdo biznes mund të gjurmojë statusin e aplikimit të kryer prej tij në QKB, për t’u pajisur me leje/licence, duke plotësuar fushën e numrit të çështjes.
Dokumentacioni i nevojshëm- Mandatpagesa
Hapat e procedurës- Identifikohuni si biznes në portalin e-Albania;
- Zgjidhni shërbimin "Gjurmim i çështjes nga Qendra Kombëtare e Biznesit/ngarkim i mandat pagesës për leje/licencë”;
- Klikoni butonin “Përdor";
- Plotësoni fushën e numrit të çështjes LC-0000-00-0000( numri-muaji-viti) dhe do t'ju shfaqet statusi në të cilën është aplikimi;
- Në rastet kur për përfitimin e titullit nuk është e zbatueshme një tarifë apo taksë, titulli publikohet në regjistër menjëherë dhe automatikisht, së bashku me njoftimin e vendimit të miratimit,apo menjëherë me gjenerimin e miratimit të heshtur;
- Në rastet kur për përfitimin e titullit është e zbatueshme një tarifë apo taksë, statusi i aplikimit do të shfaqet “ Në pritje të pagesës”;
- Pasi të klikoni mbi çështjen plotësoni datën e pagesës, numrin e dokumentit;
- Ngarkoni mandat pagesën përkatëse dhe klikoni "Dërgo";
- Statusi i aplikimit kalon nga “ Në pritje të pagesës “ në statusin “ Aktive” ;
- Nëse aplikohet një taksë apo tarifë dhe kërkuesi nuk paraqet provën e pagesës brenda afatit 30 ditë kalendarike nga publikimi i vendimit të miratimit, titulli vlerësohet automatikisht i revokuar dhe QKB-ja bën shënimin përkatës në regjistër, përveçse kur parashikohet ndryshe nga ligji i posaçëm.
Kujdes:
Ngarkoni dokumentin e mandatit të pagesës mbas plotësimit të fushës:
Numri i çështjes;
Madhësia e çdo dokumenti bashkëlidhur nuk duhet të kalojë 5 MB;
Formati i dokumentit duhet të jetë i tipit .pdf;
Koha e nevojshme e marrjes së shërbimitMenjëherë
KostotPa pagesë
Më shumë Për çdo pyetje apo paqartësi mbi përdorimin e shërbimit mund të kontaktoni në adresën
helpdesk@e-albania.al