LinkButtonLinkButton

Aplikim për mbyllje pensioni

Kontaktet
Tel:  +355 68 205 9077 / +355 42 235
E-mail:  kontakt@issh.gov.al
Adresa:  Rruga e Durrësit Nr. 83 Tiranë
Aplikim për mbyllje pensioni
Nëpërmjet këtij shërbimi elektronik mund të kryhet online aplikimi për mbyllje pensioni. Baza ligjore: a) Ligji nr. 7703, datë 11.05.1993 “Për Sigurimet Shoqërore në Republikën e Shqipërisë”, i ndryshuar; b) Udhëzimi nr. 2, i Institutit të Sigurimeve Shoqërore (ISSH), datë 05.10.2005 “Për llogaritjen dhe indeksimin e bazës së vlerësuar dhe pagës neto për efekt pensioni“; c) Rregullore nr. 1, e ISSH-së, datë 19.10.2009 “Mbi administrimin dhe llogaritjen e pensioneve”;

Dokumentacioni i nevojshëm
Duke filluar nga Janari 2020, për dokumentacionin shoqërues të shërbimit do të aplikohet ndarja si më poshtë: Kur aplikon vetë personi: Dokumente që ngarkohen nga aplikanti: - Fotokopje e Librezës së pensionit; - Vërtetim nga subjekti, ku ka filluar punë; Kur aplikon familjari i pensionistit:
Dokumente që sigurohen nga nëpunësit e administratës Dokumente që ngarkohen nga aplikanti
1. Certifikatë vdekje me shënimin: "Për sigurimet shoqërore" 1. Fatura e shpenzimeve të varrimit
2. Certifikatë vdekje me shënimin: "Shpenzime varrimi" 2. Prokurë e posaçme
3. Certifikatë vdekje me shënimin: "Dokument" 3. Dëshmi trashëgimnie/Testament (kur pensionisti ka më tepër se një këst mujor pensioni pa tërhequr)
* Mbledhja e dokumentacionit shoqërues të mësipërm që më parë ishte detyrim të dorëzohej në zyrat e shtetit nga vetë aplikanti, tani është detyrë e nëpunësit të administratës ndaj qytetarit. Me dhënien e aprovimit, ju bini dakord që këto dokumente të sigurohen për ju nga nëpunësi i administratës.

Hapat e procedurës
- Identifikohuni si qytetar në portalin e-Albania - Zgjidhni shërbimin "Aplikim për mbyllje pensioni" - Klikoni butonin "Përdor" - Plotësoni formën përkatëse për këtë kërkesë dhe dërgoni aplikimin. - Dokumentet origjinale që i keni bashkëlidhur gjatë aplikimit duhet të dërgohen me postë pranë DRSSH përkatëse. Ju lutem mbani në konsideratë që zarfi i përcjelljes së këtyre dokumenteve të shoqërohet me numrin e aplikimit tuaj.

Periudha e vlefshmërisë
Pa afat

Kostot
Pa pagesë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al
Shkarko Kartelën Adisa
Mbyllje pensioni dhe pagesë për vdekje (AL112033)
Mbyllje pensioni suplementar apo trajtimi i veçantë (AL112065)
Ju duhet të identifikoheni në portal për të përdorur këtë shërbim!
E RËNDËSISHME!
Të dhënat e përdoruesve në portalin e-Albania shfaqen automatikisht nga databazat e institucioneve që i administrojnë ato.
Në asnjë rast e-Albania nuk modifikon të dhënat e publikuara.

E-albania është portali qeveritar ku shërbimet publike që gjenden në zyrat dhe sportelet fizike të institucioneve ofrohen në mënyrë elektronike falë Platformës Qeveritare të Ndërveprimit që ndërlidh sistemet e institucioneve me njeri-tjetrin. Portali është konceptuar si një zyrë elektronike me një ndalesë ku qytetari regjistrohet duke përdorur kartën e tij të identitetit dhe shërbehet duke kërkuar dhe aplikuar për shërbimin që i nevojitet.

Ky portal është realizuar dhe administrohet nga Agjencia Kombëtare e Shoqërisë së Informacionit (AKSHI)

Ju lutem vlerësoni shërbimin