Shërbimi elektronik "Aplikim për pajisje me certifikatë pronësie e mjetit rrugor në rast humbje apo vjedhje" u mundëson qytetarëve dhe bizneseve të aplikojnë online për të marrë certifikatën e pronësisë së mjeteve që ata zotërojnë, duke pasur mundësinë edhe të kryerjes së pagesës online për tarifën përkatëse.

Dokumentacioni i nevojshëm
Për këtë shërbim nuk nevojitet dokumentacion shoqërues.

Hapat e procedurës
- Identifikohuni si qytetar ose biznes në portalin e-Albania; - Zgjidhni shërbimin "Aplikim për pajisje me certifikatë pronësie e mjetit rrugor në rast humbje apo vjedhje”; - Klikoni butonin "Përdor"; - Zgjidhni mjetin për të cilin do të aplikoni për certifikatë pronësie dhe klikoni butonin "Apliko"; - Kryeni pagesën e aplikimit, duke ndjekur hapat për të kryer pagesën online; - Pagesa mund të kryhet përmes Bankës Credins, me një kartë debiti ose krediti brenda dhe jashtë Shqipërisë; - Pasi të keni përfunduar me sukses aplikimin dhe pagesën online nga portali e-Albania, do të njoftoheni për t'u paraqitur pranë Drejtorisë Rajonale të Shërbimeve të Transportit Rrugor për të tërhequr certifikatën e pronësisë së mjetit tuaj.

Koha e nevojshme e marrjes së shërbimit
Ju do të pajiseni me certifikatën e pronësisë brenda pak minutash pas paraqitjes pranë Drejtorisë Rajonale të Shërbimeve të Transportit Rrugor.

Periudha e vlefshmërisë
Pa afat

Kostot
2000 lekë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al
Shkarko Kartelën Adisa
Pajisje me certifikatë pronësie e mjetit rrugor në rast humbje apo vjedhje (AL092023)