“Kërkesë për trajtim të veçantë financiar për efektivët lundrues në pension” është një shërbim elektronik,i cili u mundëson qytetarëve të aplikojnë online për trajtim të veçantë financiar për efektivët lundrues në pension sipas Ligjit 9361, datë 24.03.2005 (i ndryshuar). Baza ligjore: - Ligji nr. 9361, datë 24.03.2005 “Për një Trajtim të Veçantë Financiar të Efektivave Oficerë dhe Nënoficerë Lundrues të Nëndetëseve dhe Polumbarëve të Forcave Detare në Pension”. Personat përfitues: - Sipas këtij Ligji përfitojnë efektivat oficerë dhe nënoficerë lundrues të nëndetëseve e të polumbarëve të forcave detare. Lloji i përfitimit: - Trajtim i veçantë financiar në shtesë të pensionit të pleqërisë. Kushtet e përfitimit: - Efektivat lundrues oficerë dhe nënoficerë lundrues të nëndetëseve e të polumbarëve të forcave detare, të kenë plotësuar kushtet për pension pleqërie dhe të kenë shërbyer jo më pak se 7 vite kalendarike. Masa e përfitimit: - 50% e pagës referuese, kur keni shërbyer jo më pak se 12,5 vite kalendarike; - 30% e pagës referuese, kur keni shërbyer jo më pak se 10 vite kalendarike; - 20% e pagës referuese, kur keni shërbyer jo më pak se 7 vite kalendarike; Shuma e pensionit të plotë të pleqërisë plus masën e trajtimit të veçantë financiar, nuk mund të jetë më e madhe se 50% e pagës referuese të oficerit dhe nënoficerit të nëndetëses dhe të polumbarit, në çastin që i ka lindur e drejta për këtë përfitim.

Dokumentacioni i nevojshëm
Dokumentet që duhet të ngarkohen nga aplikanti: -Fotokopje të letërnjoftimit elektronik ose certifikatë personale Dokumentet që sigurohen nga nëpunësit e administratës: -Vërtetim i pagës referuese për efekt të përfitimit -Vërtetim për periudhën e shërbimit Dokumentet që përgatiten nga strukturat e sigurimeve shoqërore: -Vërtetim për përfitim nga Ligji Nr. 7703, datë 11.05.1993 (i ndryshuar). -Vërtetim për përfitime të tjera

Hapat e procedurës
- Identifikohuni si qytetar në portalin e-Albania - Zgjidhni shërbimin "Kërkesë për trajtim të veçantë financiar për efektivët lundrues në pension" - Klikoni butonin "Përdor" - Plotësoni formularin përkatës

Koha e nevojshme e marrjes së shërbimit
Menjëherë

Periudha e vlefshmërisë
Pa afat

Kostot
Pa pagesë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al
Shkarko Kartelën Adisa