Shërbimi elektronik “Aplikim për çregjistrim të përhershëm mjeti” u mundëson zotëruesve të automjeteve të aplikojnë online për çregjistrim të përhershëm të mjetit si dhe të kryejnë online pagesën përkatëse për aplikimin. Çregjistrimi i mjeteve rrugore kryhet në zbatim të Ligjit Nr. 8378, datë 22.07.1998 "Kodi Rrugor i Republikës së Shqipërisë" i ndryshuar, VKM Nr. 153, datë 07.04.2000 "Për Miratimin e Rregullores në zbatim të Kodit Rrugor të Republikës së Shqipërisë", i ndryshuar dhe Udhëzimit Nr.01, datë 18.01.2012 "Mbi Dokumentacionin e Qarkullimit dhe Regjistrimit të Mjeteve Rrugore me Motor dhe Rimorkiove të Tyre", i ndryshuar.

Dokumentacioni i nevojshëm
Dokumente që duhet të dorëzoni në sportelet e drejtorive rajonale: - Leja e qarkullimit të mjetit - Targat e mjetit - Certifikatë pronësie - Vërtetim RBS (Regjistri i Barrës Siguruese)

Hapat e procedurës
- Identifikohuni si qytetar ose subjekt në portal - Zgjidhni shërbimin "Aplikim për çregjistrim të përhershëm mjeti" - Klikoni butonin "Përdor" - Aplikoni për çregjistrimin e përhershëm të mjetit - Kryeni pagesën e aplikimit, duke ndjekur hapat për të kryer pagesën online. - Pagesa mund të kryhet përmes Bankës Credins, me një kartë debiti ose krediti brenda dhe jashtë Shqipërisë - Paraqituni pranë sporteleve të drejtorive rajonale për dorëzimin e dokumenteve.

Koha e nevojshme e marrjes së shërbimit
66 ditë pune

Periudha e vlefshmërisë
Pa afat

Kostot
600 lekë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al
Shkarko Kartelën Adisa
Çregjistrim i përhershëm i mjetit rrugor (AL092020)