Shërbimi elektronik “Konfirmim për gjendjen aktive të mjetit" u mundëson qytetarëve dhe bizneseve të shohin online statusin aktiv të mjetit, si dhe detyrimet apo bllokimet e mjeteve që zotërojnë, dhe të gjenerojnë dokumentin me vulë elektronike me vlefshmëri të plotë ligjore. Baza Ligjore: - Ligji nr. 8378, datë 22.07.1998, "Kodi rrugor i Republikës së Shqipërisë", i ndryshuar; - Vendim i Këshillit të Ministrave nr. 153, datë 04.07.2000, "Për miratimin e Rregullores së zbatimit të kodit rrugor të Republikës së Shqipërisë", i ndryshuar; - Ligji nr. 9975, datë 28.07.2008 "Për taksat kombëtare", i ndryshuar.

Dokumentacioni i nevojshëm
Për këtë shërbim nuk nevojitet dokumentacion shoqërues.

Hapat e procedurës
- Identifikohuni si qytetar ose biznes në portalin e-Albania; - Zgjidhni shërbimin "Konfirmim për gjendjen aktive të mjetit"; - Klikoni butonin "Përdor" dhe do t'ju shfaqen mjetet që keni në pronësi; - Klikoni butonin "Zgjidh" për të parë statusin aktiv të një mjeti si edhe detyrimet apo bllokimet e tij; - Klikoni butonin "Shkarko" për të gjeneruar dokumentin me vulë elektronike. Dokumentin e gjeneruar me vulë elektronike mund ta gjeni në çdo kohë në seksionin "Dokumentet e mia" te hapësira juaj në portalin e-Albania.

Koha e nevojshme e marrjes së shërbimit
Menjëherë

Periudha e vlefshmërisë
Pa afat

Kostot
Pa pagesë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al
Shkarko Kartelën Adisa
Konfirmime të ndryshme për mjetin/ Vërtetim mbi mjetin për jashtë shtetit (AL093003)