Shërbimi elektronik "Certifikatë personale (shqip / në gjuhë të huaj)" ju mundëson të shikoni dhe verifikoni të dhënat personale dhe të gjeneroni certifikatën personale me vulë elektronike në shqip ose në gjuhë të huaj. Gjithashtu ky shërbim mundëson gjenerimin e certifikates personale me vulë elektronike për të gjithë anëtarët në përbërjen familjare të përdoruesit. Bazuar në Vendimin Nr. 495, datë 13.09.2017 “Për miratimin e rregullave të përfitimit të shërbimeve publike elektronike”, Ligjin Nr. 10 129, datë 11.5.2009 "Për Gjendjen Civile", i ndryshuar si dhe Vendimin për disa shtesa në Vendimin Nr. 332, datë 17.03.2010, të Këshillit të Ministrave, “Për përcaktimin e formës, elementëve përbërës, mënyrës së mbajtjes e afatit të përdorimit të dokumenteve bazë, që mbahen dhe lëshohen nga shërbimi i gjendjes civile”, të ndryshuar, ky dokument me vulë elektronike i gjeneruar përmes portalit e-Albania ka të njëjtën vlerë ligjore si dokumenti fizik me vulë të njomë.

Dokumentacioni i nevojshëm
Për këtë shërbim nuk nevojitet dokumentacion shoqërues.

Hapat e procedurës
- Identifikohuni si qytetar në portalin e-Albania; - Zgjidhni shërbimin "Certifikatë personale (shqip / në gjuhë të huaj)"; - Klikoni butonin "Përdor"; - Përzgjidhni opsionin e gjenerimit të certifikatës për veten apo për anëtar të familjes; - Klikoni butonin "Shfaq certifikatën në gjuhë të huaj" nëse ju nevojitet certifikata në gjuhë të huaj; - Klikoni butonin "Shkarko dokumentin e vulosur" për të gjeneruar certifikatën me vulë elektronike në shqip ose gjuhë të huaj. Certifikatën e gjeneruar me vulë elektronike mund ta gjeni në çdo kohë në seksionin "Dokumentet e mia" te hapësira juaj në portalin e-Albania.

Koha e nevojshme e marrjes së shërbimit
Menjëherë

Kostot
Pa pagesë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al
Shkarko Kartelën Adisa
Certifikatë personale (AL012039)