Click here to read the description of this e-service in English.
Nëpërmjet shërbimit "Aplikim për mbështetje me grante të Startup-eve dhe Lehtësuesve", qytetarët, subjektet startup dhe lehtësuesit (inkubatorë/akseleratorë) të regjistruar mund të aplikojnë për masa mbështetëse me grante në kuadër të skemës Grant2026. Objektivi i Programit Grant2026 Programi synon të stimulojë sipërmarrjen inovative dhe krijimin e kompanive të bazuara në dije, duke ofruar financim për: • Startup-et: Projekte tregu me potencial të lartë komercializimi dhe modele biznesi të shkallëzuar; • Lehtësuesit: Programe të strukturuara inkubimi/akselerimi për kohorte startup-esh në ekonomi të gjelbër dhe digjitale dhe sektorë dhe nënsektorë prioritarë Fondi i alokuar nga qeveria Shqiptare mbështet fazat vendimtare të zhvillimit, përmirësimet në produkte/procese/shërbime të reja/ekzistuese, dhe ndërtimin e kapaciteteve të lehtësuesve për fluks (pipeline) inovacioni. Bashkëfinancimi i Pranueshëm Përfshin burimet e veta të aplikantit (të ardhura operative, paratë e gatshme), investimet private, kapitalin sipërmarrës ose çdo burim privat tjetër, përjashtuar financimin publik. Financimi bazohet në nevojat specifike të projektit/programit, me të drejtë modifikimi nga komisioni i vlerësimit për harmonizim me rregullat e programit. Periudha dhe Zbatimi Dokumentet dorëzohen brenda afateve të komunikuar nga Agjencia Startup Albania. Projekti/programi realizohet brenda 9 muajsh nga nënshkrimi i kontratës së grantit. Nëpërmjet shërbimit “Aplikim për mbështetje me grante të Startup-eve dhe Lehtësuesve” ju gjithashtu mund të realizoni: • Përditësim Aplikimi Nëse dëshironi të shtoni dokument apo keni ngarkuar diçka gabim në aplikimin tuaj, mund ta përditësoni nëpërmjet këtij shërbimi. • Rindërtim Buxheti Rindërtoni buxhetin sipas shumës së përfituar nga Skema e Grant-it. Rindërtimi duhet bërë sipas afateve të paracaktuara dhe buxhetit të ri të miratuar. • Deklarim Realizimi Nëpërmjet këtij shërbimi mund të deklaroni realizimin e projektit tuaj, në kuadër të skemës mbështetëse me Grant për Startup-et. Për të realizuar këtë gjë është e rëndësishme të ndiqni hapat e mëposhtëm të përcaktuara nga Agjencia Startup Albania dhe Ministria e Ekonomisë dhe Inovacionit: 1. Përgatitja e dokumentacionit të nevojshëm: 2. Raport për realizimin e projektit: Ky raport duhet të përfshijë një përmbledhje të aktiviteteve të realizuara, arritjet, sfidat e hasura dhe mënyrën se si janë adresuar ato. 3. Dokumente mbështetëse: Këto mund të përfshijnë fatura, kontrata, raporte financiare dhe çdo dokument tjetër që vërteton shpenzimet dhe aktivitetet e realizuara. 4. Fotografi ose video: Nëse është e mundur, ofroni prova vizuale të aktiviteteve të realizuara, siç janë trajnime, evente ose produkte të zhvilluara. 5. Plotësimi i formularëve të kërkuar: Agjencia Startup Albania mund të kërkojë plotësimin e disa formularëve specifikë për raportimin e realizimit të projektit. Sigurohuni që të plotësoni këto formularë në mënyrë të saktë dhe të plotë. Dokumentet duhet të dorëzohen brenda periudhës së caktuar nga Agjencia Startup Albania. Afatet specifike do të komunikohen nga agjencia gjatë periudhës së implementimit të projektit. Projekti duhet të realizohet brenda periudhës së caktuar, e cila zakonisht është 9 muaj, duke filluar nga data e nënshkrimit të kontratës së Grantit. • Ankim Nëse dëshironi të bëni ankim për një vendim të Komisionit të Vlerësimit në kuadër të Skemës së Granteve 2026, duhet të ndiqni procedurën e përcaktuar nga Ministria e Ekonomisë dhe Inovacionit: • Krijimi i Komisionit të Ankimit: Komisioni i Ankimit përbëhet nga 3 anëtarë, të cilët janë përfaqësues nga organet e administratës shtetërore, bota akademike dhe ekosistemi kombëtar dhe ndërkombëtar i startup-eve. • Afati i Ankimit: Afati për dorëzimin e ankesave është 5 ditë kalendarike nga data e shpalljes së vendimit të Komisionit të Vlerësimit. • Procedura e Ankimit: o Depozitimi i Ankesës: Bëhet nëpërmjet platformës së Agjencisë Startup Albania. o Përmbajtja e Ankesës: Ankesa duhet të përmbajë një përshkrim të qartë të arsyeve të ankimit, dokumentacionin mbështetës dhe çdo informacion tjetër të nevojshëm. • Shqyrtimi i Ankesës: Komisioni i Ankimit shqyrton ankesën dhe merr një vendim brenda 10 ditëve kalendarike nga data e dorëzimit të ankesës. • Vendimi përfundimtar: Vendimi i Komisionit të Ankimit është përfundimtar dhe nuk ka mundësi ankimi të dytë. Baza ligjore: - Ligji nr.25/2022 “Për mbështetjen dhe zhvillimin e startup-eve", i ndryshuar; - VKM nr. 61/07.02.2024, “Për përcaktimin e kritereve që duhet të plotësojnë startupet dhe lehtësuesit e startupeve”, i ndryshuar.

Dokumentacioni i nevojshëm
Dokumente që ngarkohen nga aplikanti: - Logo apo imazh i Startup-it që kërkohet pajisja me pasaportë (pasaporta duhet të jetë e vlefshme). Në rastin e deklarimit të realizimit duhet të ngarkohen dokumentet e mëposhtme nga aplikanti: - Raport për realizimin e projektit, ku duhet të përfshijë një përmbledhje të aktiviteteve të realizuara, arritjet, sfidat e hasura dhe mënyrën se si janë adresuar ato; - Dokumente mbështetëse që mund të përfshijnë fatura, kontrata, raporte financiare dhe çdo dokument tjetër që vërteton shpenzimet dhe aktivitetet e realizuara; - Prova vizuale të aktiviteteve të realizuara, siç janë trajnime, evente ose produkte të zhvilluara.

Hapat e procedurës
- Identifikohuni si qytetar ose si biznes në portal; - Zgjidhni shërbimin "Aplikim për mbështetje me grante të StartUp-eve dhe Lehtësuesve"; - Klikoni butonin" Përdor"; - Plotësoni formularin elektronik me të dhënat e nevojshme dhe ngarkoni dokumentet e kërkuara në formular; - Klikoni butonin “Dërgo” në fund të formularit; - Njësia përgjegjëse pranë Ministrisë së Ekonomisë dhe Inovacionit do të shqyrtojë aplikimin. Në rast aprovimi ose refuzimi të kërkesës tuaj, ju do të njoftoheni te rubrika "Mesazhet e mia" dhe në adresën e-mail të konfiguruar në llogarinë tuaj në portal.

Koha e nevojshme e marrjes së shërbimit
30 ditë pune pas mbylljes së thirrjes.

Periudha e vlefshmërisë
Deri më 30 dhjetor 2026.

Kostot
Pa pagesë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al