Shërbimi elektronik "Aplikim për regjistrimin e veprimeve juridike, me të cilat lidhen pjesmarrjet, kuotat (për shoqëritë komandite, kolektive, të thjeshta dhe me përgjegjësi të kufizuar)" u ofrohet anëtarit, ortakut apo aksionarit, të cilit i përkasin kuotat/aksionet, për të regjistruar veprime juridike, që lidhen me pjesmarrjen e tyre në subjektet tregtare. Baza Ligjore: - Ligji nr. 9723, datë 03.05.2007, “Për Regjistrimin e Biznesit”, i ndryshuar; - Ligji nr. 9901, datë 14.04.2008, “Për Shoqëritë Tregtare”, i ndryshuar; - Ligji nr. 9880 datë 25.02.2008 “Për nënshkrimin elektronik”; - Ligji nr. 10273 datë 29.04.2010 “Për dokumentin elektronik” dhe aktet nënligjore në zbatim të këtyre ligjeve.

Dokumentacioni i nevojshëm
Dokumentet që duhet të ngarkohen nga aplikanti: - Dokumenti i identifikimit të aplikantit; Kujdes! Dokumentet e identifikimit, duhet të ngarkohet vetëm në opsionin përkatës. - Akti që vërteton veprimin juridik, që lidhet me pjesëmarrjen e ortakut/anëtarit/aksionarit, në subjektin tregtar, për të cilin kryhet aplikimi. (Akti të jetë domosdoshmëri për dërgimin e aplikimit) - Formulari i aplikimit i nënshkruar elektronikisht (Formulari të jetë domosdoshmëri për dërgimin e aplikimit)

Hapat e procedurës
- Identifikohuni si individ (qytetar) në portal; Kujdes, ky aplikim kryhet vetëm në rastin e përfitimit të kuotës. - Zgjidhni shërbimin "Aplikim për regjistrimin e veprimeve juridike, me të cilat lidhen pjesëmarrjet, kuotat (për shoqëritë komandite, kolektive, të thjeshta dhe me përgjegjësi të kufizuar)”; Kujdes, aplikimi kryhet nga përfituesi i kuotës me qëllim regjistrimin e aktit të përfitimit të kuotës, i cili duhet të përfundojë brenda afatit ligjorë 21 ditorë, në rastet e kthimit të aplikimit të pa plotë për plotësimin e të metave (neni 56) - Klikoni butonin "Përdor"; - Plotësoni formularin elektronik, me të dhënat e nevojshme mbi subjektin; - Ngarkoni dokumentacionin e nevojshëm; Kujdes, modifikim i aplikimit, bëhet vetëm nga individi që ka kryer aplikimin; - Klikoni butonin “Dërgo” në faqen e fundit të formularit; - Klikoni butonin “Dërgo kodin e nënshkrimit"; - Vendosni kodin e nënshkrimit dhe kliko butonin “Nënshkruaj” - Shqyrtimi i aplikimit bëhet nga nëpunësi i autorizuar i QKB-së; - Pas vlerësimit të aplikimit merret vendimi nga nëpunësi i autorizuar (Pezullim/Miratim/ Refuzim); - Përgjigja dërgohet tek subjekti aplikues, me email në mënyrë automatike nga sistemi dhe po ashtu tek ”Hapësira ime” në portalin e-Albania; Kujdes: Aplikanti, duhet të jetë i pajisur me nënshkrim elektronik!

Koha e nevojshme e marrjes së shërbimit
QKB, pasi kryen verifikimet përkatëse, sipas nenit 54 të ligjit nr.9723/2007 dhe vëren përmbushjen e kushteve për regjistrim, kryen regjistrimin në regjistër, brenda një afati prej një dite nga data e paraqitjes së aplikimit. Sqarim: Për aplikimet e kryera gjatë ditëve të pushimit zyrtar afati për shqyrtimin e aplikimin fillon me fillimin e orarit zyrtar të punës për ditën pasardhëse.

Periudha e vlefshmërisë
Në rastin e miratimit të aplikimit, lëshohet vërtetimi i miratimit të aplikimit, i cili nuk ka afat.

Kostot
Pa pagesë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al