Shërbimi elektronik "Aplikim shtyrje afati, për lejet minerare" u mundëson subjekteve të aplikojnë për shtyrjen e afatit të vlefshmërisë së lejes minerare sipas afateve kohore të përcaktuara në legjislacionin në fuqi.
Baza ligjore:
- Ligji Nr.10 304, datë 15.7.2010 “Për sektorin minerar në Republikën e Shqipërisë”;
- Udhëzimi Nr. 15, datë 17.6.2022 “Për përcaktimin e kritereve dhe rregullave të mënyrës së aplikimit për shtyrjen e afateve për lejet minerare”,
Dokumentacioni i nevojshëm
Dokumente që sigurohen nga nëpunësit e administratës |
Dokumente që ngarkohen nga aplikanti |
1. Akti i regjistrimit të subjektit (Ekstraktin e regjistrimit si person juridik, ku në objektin e veprimtarisë të këtë të miratuar edhe zhvillimin e veprimtarisë minerare me punime sipërfaqësore ose nëntokësore sipas kërkesës); |
1. Zotëruesit e lejeve minerare, që aplikojnë për shtyrje afati për lejet e tyre minerare, duhet të paraqesin kërkesën e aplikimit në Qendrën Kombëtare të Biznesit. Kërkesa duhet të përmbajë një informacion të plotë për realizimin e detyrimeve të lejes së tyre minerare, në përputhje me kushtet e lejes dhe detyrimet, sipas legjislacionit në fuqi, si dhe arsyet e shtyrjes së afatit të lejes; |
|
2. Leje minerare e leshuar para hapjes së QKB; |
|
3. Prokurë/autorizim; |
|
4. Dokument identifikimi (ID/Pasaportë); |
* Mbledhja e dokumentacionit shoqërues të mësipërm që më parë ishte detyrim të dorëzohej në zyrat e shtetit nga vetë aplikanti, tani është detyrë e nëpunësit të administratës ndaj qytetarit. Me dhënien e aprovimit, ju bini dakord që këto dokumente të sigurohen për ju nga nëpunësi i administratës.Hapat e procedurës- Subjekti logohet në portalin e-albania nëpërmjet profilit si biznes.
- Përzgjedh shërbimin "Aplikim shtyrje afati, për lejet minerare";
- Plotëson formularin elektronik me të dhënat e nevojshme mbi subjektin;
- Ngarkon dokumentacionin e nevojshëm;
- Klikon butonin “Dërgo” në faqen e fundit të formularit;
- Dergon kodin e nënshkrimit;
- Vendos kodin e nënshkrimit dhe klikon butonin “Nënshkruaj”;
- Pasi aplikimi dërgohet me sukses shqyrtimi bëhet nga nëpunësi i autorizuar i QKB-së;
- Pas vlerësimit të aplikimit, merret vendimi nga nëpunësi i autorizuar ( Dërgo në institucionin tjetër/Refuzim);
- Pas shqyrtimit te aplikimit, institucioni tjetër merr vendimin (Miratim/Refuzim);
- Në rastin e miratimit të aplikimit nga ministria, licenca/leja përkatëse aktivizohet direkt prej saj, kur dhënia e licences/lejes është pa pagesë.
- Në rast se licenca/leja është me pagesë shfaqet në portalin e-Albania, tek ”Hapësira Ime”, në rubrikën “Në pritje të pagesës” për ngarkimin e mandatit të pagesës brenda afatit 30 ditor. Pas ngarkimit të mandat pagesës nga subjekti, licenca/leja aktivizohet automatikisht.
- Në rastin e refuzimit të aplikimit nga ministria, aplikanti njoftohet me arsyen përkatëse;
- Për të gjitha fazat nëpërmjet të cilave kalon një aplikim përgjigja dërgohet tek subjekti aplikues me email në mënyre automatike nga sistemi dhe po ashtu tek ”Hapësira Ime” në portalin e-Albania
Kujdes! Për dërgimin me sukses të aplikimit, nevojitet detyrimisht nënshkrimi elektronik i formularit të plotësuar të aplikimit nga administratori i subjektit.
Për të kryer pajisjen me nënshkrim elektronik, aplikoni përmes shërbimit: Aplikim për pajisje me nënshkrim elektronik për qytetarët/bizneset ku nënshkrimi fillimisht duhet të aktivizohet në
Platformën e Nënshkrimit Elektronik.
Koha e nevojshme e marrjes së shërbimit4 ditë pune + 60 ditë kalendarike nga data e paraqitjes së dokumentacionit të plotë
Periudha e vlefshmërisëSipas aktit te miratimit
KostotDrejtohuni pranë Ministrisë përkatëse, për informacion mbi tarifën sektoriale
Më shumëPër çdo pyetje apo paqartësi mbi përdorimin e shërbimit mund të kontaktoni në adresën
helpdesk@e-albania.al