Regjimi i përpunimit pasiv lejon që mallrat shqiptare të eksportohen përkohësisht nga territori doganor i Republikës së Shqipërisë, me qëllim që t’u nënshtrohen operacioneve përpunuese dhe produktet që dalin si rezultat i këtyre operacioneve të vendosen në qarkullim të lirë me përjashtim të plotë ose të pjesshëm nga detyrimet e importit. Baza ligjore: • Ligji Nr. 102, datë 31.07.2014, "Kodi Doganor në Republikën e Shqipërisë", i ndryshuar (nenet 192-195 dhe 232-235) • VKM Nr. 651, datë 10.11.2017, "Për dispozitat zbatuese të ligjit nr. 102/2014, "Kodi Doganor i Republikës së Shqipërisë"(nenet 691-692)

Dokumentacioni i nevojshëm
- Autorizim; - Kontratë me firmën ku do të përpunohen mallrat.

Hapat e procedurës
Kërkesa për për ndryshim/shtesa te Autorizimit të Regjimit te Perpunimit Pasiv së bashku me dokumentacionin shoqërues paraqitet në Drejtorinë e Përgjithshme të Doganave. Aplikimi së bashku me dokumentacionin shoqërues nga Përgjegjësi i Sektorit të Procedurave dhe Regjimeve Doganore ose Drejtori i Drejtorisë së Procedurave Doganore i kalohet për shqyrtim specialistit të Sektorit të Procedurave dhe Regjimeve Doganore. Specialisti i Sektorit të Procedurave dhe Regjimeve Doganore shqyrton aplikimin/kërkesën dhe dokumentacionin shoqërues dhe nëse: - konstaton që është i regullt përgatit autorizimin dhe ja kalon për pranim Përgjegjësit të Sektorit të Procedurave dhe Regjimeve Doganore. - nuk është në regull, në përputhje me legjislacionin doganor, përgatit përgjigjen për mangësitë e konstatuara/për mosmiratim e kërkesës, shoqerisë që ka kryer aplikimin dhe ja kalon për pranim Përgjegjësit të Sektorit të Procedurave dhe Regjimeve Doganore. Përgjegjësi i Sektorit të Procedurave dhe Regjimeve Doganore pasi kryen verifikimet e nevojshme: - nëse aplikimi i plotëson kushtet e përcaktuara në legjislacion e nënshkruan dhe ja kalon për miratim Drejtorit të Drejtorisë së Procedurave Doganore. - nëse aplikimi nuk i plotëson kushtet ja kalon/kthen specialistit për plotesim dokumentacioni/kthim përgjigje për mosmiratim. Drejtori i Drejtorisë së Procedurave Doganore pasi kryen verifikimet e nevojshme: - nëse aplikimi i plotëson kushtet e përcaktuara në legjislacion e nënshkruan dhe ja kalon për konfirmim Zv/Drejtorit të Pergjithshëm të Departamentit Teknik të Akcizës dhe Procedurave Doganore. - nëse aplikimi nuk i plotëson kushtet ja kalon/kthen Përgjegjësit të Sektorit për plotësim dokumentacioni. Zv/Drejtori i Përgjithshëm i Departamentit Teknik pasi kryen verifikimet e nevojshme: - nëse aplikimi i plotëson kushtet e përcaktuara në legjislacion e nënshkruan dhe ja kalon per miratim Drejtorit të Përgjithshëm të Doganave. - nëse aplikimi nuk i plotëson kushtet ja kalon/kthen Drejtorit të Drejtorisë së Procedurave për plotësim dokumentacioni/kthim përgjigje për mosmiratim të kërkesës. Specialisti i Sektorit të Procedurave dhe Regjimeve Doganore që ka pergatitur autorizimin kryen hedhjen në sistemin informatik doganor “Asycuda World”.

Koha e nevojshme e marrjes së shërbimit
30 ditë

Periudha e vlefshmërisë
Pa afat

Kostot
Pa pagesë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al