Vërtetim negativ (për përfitim pensioni) është një shërbim elektronik, i cili u mundëson qytetarëve të marrin menjëherë online me vulë elektronike vërtetimin negativ për përfitim pensioni (që nuk përfitojnë pension). Baza ligjore Mbështetur në Ligjin nr. 7703, datë 11.05.1993 “Për sigurimet shoqërore në Republikën e Shqipërisë”, të ndryshuar, personi nuk duhet të ketë plotësuar asnjë kusht për të përfituar nga skema e sigurimeve shoqërore.

Dokumentacioni i nevojshëm
Nuk nevojitet dokumentacion shoqërues

Hapat e procedurës
- Identifikohuni si qytetar në portalin e-Albania; - Zgjidhni shërbimin "Vërtetim negativ (për përfitim pensioni)”; - Klikoni butonin "Përdor"; - Plotësoni formularin elektronik duke zgjedhur nëse destinacioni i përdorimit të këtij dokumenti do të jetë "Brenda vendit" apo "Jashtë vendit"; - Gjenerimi i vërtetimit bëhet në kohë reale duke klikuar butonin “Shkarko dokumentin e vulosur”. Vërtetimin e gjeneruar me vulë elektronike mund ta gjeni në çdo kohë në seksionin "Dokumentet e mia" te hapësira juaj në portalin e-Albania

Koha e nevojshme e marrjes së shërbimit
Menjëherë

Periudha e vlefshmërisë
1 muaj

Kostot
Pa pagesë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al