Përfitojnë këtë lloj shërbimi të gjithë personat që kanë plotësuar kushtet sipas Ligjit 7703. Shërbimi është i vlefshëm vetëm për kategorinë e qytetarëve që përfitojnë pension. Mbështetur në Ligjin nr. 7703, datë 11.05.1993 “Për sigurimet shoqërore në Republikën e Shqipërisë”, të ndryshuar, mbrohen nga ky Ligj: 1. Personat e siguruar, që kanë plotësuar jo më pak se 15 vite sigurim shoqëror, kanë të drejtë për pension pleqërie, kur të arrijnë moshën e përcaktuar në nenin 92, të këtij ligji; 2. Nënat, që kanë lindur 6 a më shumë fëmijë, të cilët janë rritur më shumë se 8 vjeç, kanë të drejtë të dalin në pension kur mbushin moshën 55 vjeç dhe kanë 30 vjet sigurim; 3. Personat e siguruar kanë të drejtë për pension pleqërie të reduktuar, deri tre vjet para mbushjes së moshës së daljes në pension të përcaktuar në nenin 92; 4. Personat e siguruar, që kanë plotësuar kushtin për pension invaliditeti; 5. Personat, që kanë plotësuar kushtin për pension familjar; 6. Personat që kanë plotësuar kushtet për trajtime të veçanta sipas Ligjit;

Dokumentacioni i nevojshëm
Për këtë shërbim nuk kërkohet dokumentacion shoqërues.

Hapat e procedurës
- Identifikohuni si qytetar në portalin e-Albania - Zgjidhni shërbimin "Vërtetim vjetor përfitimi afatgjatë" - Klikoni butonin "Përdor" - Plotësoni formularin përkatës dhe dërgoni aplikimin

Koha e nevojshme e marrjes së shërbimit
10 ditë pune

Periudha e vlefshmërisë
365 ditë

Kostot
Pa kosto

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al