Përfitojnë paaftësi të përkohshme të gjithë personat që kanë plotësuar kushtet sipas Ligjit 7703. 1. Periudha e përfitimit për paaftësi të përkohëshme fillon në ditën e 15 të raportit mjekësor dhe do të zgjasë jo më shumë se 6 muaj nga data e fillimit të pagesës; 2. Periudha e përfitimit mund të zgjatet përjashtimisht deri në 3 muaj të tjerë, në rast se komisioni i mjekëve ekspertë (KMCAP) provon që personi i siguruar do të shërohet në këtë periudhë dhe nuk do të deklarohet invalid; 3. Periudha e përfitimit të paaftësisë së përkohëshme nga sëmundja, për ata që marrin pension invaliditeti të pjesshëm, është deri në 3 muaj nga data e fillimit të pagesës; 4. Periudha e përfitimit për punonjësit sezonalë dhe të përkohshëm, të cilët kanë qenë të punësuar të paktën 3 muaj në 12 muajt e fundit, është deri në 75 ditë. Shërbimi është i vlefshëm vetëm për kategorinë e qytetarëve që kanë përfituar pagesë nga paaftësia e përkohshme në punë. Mbështetur në Ligjin nr. 7703, datë 11.05.1993 “Për sigurimet shoqërore në Republikën e Shqipërisë”, të ndryshuar, mbrohen nga ky Ligj: Personat e punësuar në lidhje me: - paaftësinë e përkohëshme në punë për shkak të sëmundjes; - barrëlindjen; - aksidentin në punë dhe sëmundjet profesionale; Personat e tjerë ekonomikisht aktivë (punëdhënësi dhe të vetëpunësuarit), në lidhje me: - barrëlindjen;

Dokumentacioni i nevojshëm
Për këtë shërbim nuk kërkohet dokumentacion shoqërues.

Hapat e procedurës
- Identifikohuni si qytetar në portalin e-Albania - Zgjidhni shërbimin "Vërtetim për periudhën e pagesës për paaftësi të përkohshme në punë" - Klikoni butonin "Përdor" - Plotësoni formularin përkatës dhe dërgoni aplikimin duke klikuar "Apliko";

Koha e nevojshme e marrjes së shërbimit
10 ditë pune

Periudha e vlefshmërisë
Pa afat

Kostot
Pa kosto

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al