Shërbimi elektronik “Certifikatë Vdekje nga Regjistri Kombëtari Gjendjes Civile (RKGjC) i vitit 2010 (për përdorim brenda vendit/për përdorim nga autoritetet e huaja)” u mundëson shtetasve të aplikojnë online dhe të gjenerojnë dokumentin certifikatë vdekje, për familjarin e tyre (i cili ka rezultuar në përbërjen e mëparshme familjare me shtetasin që ka ndërruar jetë) sipas rastit: • Certifikatë nga Akti i Vdekjes (për përdorim brenda vendit/për përdorim nga autoritetet e huaja) për shtetasit shqiptar të cilët kanë ndërruar jetë në territorin e Republikës së Shqipërisë dhe ju është mbajtur akt vdekje në Shqipëri; • Certifikatë Vdekje nga Regjistri Kombëtar i Gjendjes Civile (për përdorim brenda vendit/për përdorim nga autoritetet e huaja) nga të dhënat e regjistruara nga akti i vdekjes së ndodhur jashtë territorit të Republikës së Shqipërisë ose nga ç'regjistrimet e kryera në RKGJC me vendim gjykate, që vërteton faktin e vdekjes. - Për shtetasit të shpallur të vdekur me vendim gjyqësor, lëshimi i certifikatës së vdekjes (shqip / në gjuhë të huaj) “Pas vitit 2010” do të mundësohet nga Regjistri Kombëtar i Gjendjes Civile (RKGjC) i vitit 2010. - Në rastin kur shtetasi është shpallur i vdekur, certifikata e vdekjes (shqip) e kërkuar për periudhën nga viti 1923 deri në vitin 2010 do të mundësohet nga zyra e gjendjes civile përkatëse. Dokumentet gjenerohen me vulë elektronike me vlerë të plotë ligjore. Baza ligjore: Certifikata gjenerohet, me vulë elektronike të Drejtorisë së Përgjithshme të Gjendjes Civile, si një dokument me vlerë të plotë ligjore, në përputhje me legjislacionin në fuqi, për shërbimet e besuara, bazuar në vendimin nr.495, datë 13.09.2017, të Këshillit të Ministrave “Për miratimin e rregullave të përfitimit të shërbimeve publike elektronike”, si dhe në vendimin nr.332, datë 17.03.2010, të Këshillit të Ministrave, “Për përcaktimin e formës, elementëve përbërës, mënyrës së mbajtjes e afatit të përdorimit të dokumenteve bazë, që mbahen dhe lëshohen nga shërbimi i gjendjes civile”, të ndryshuar.

Dokumentacioni i nevojshëm
Për këtë shërbim nuk nevojitet dokumentacion shoqërues.

Hapat e procedurës
- Identifikohuni si qytetar në portalin e-Albania; - Zgjidhni shërbimin “Certifikatë Vdekje nga Regjistri Kombëtar i Gjendjes Civile (për përdorim brenda vendit/për përdorim nga autoritetet e huaja) ” - Klikoni butonin "Përdor"; - Përzgjidhni tipin e certifikatës për periudhën aktuale duke zgjedhur “Certifikatë aktuale” apo për periudhën historike duke zgjedhur “Certifikatë historike” ; - Në rastin e certifikatës aktuale, gjenerimi i saj bëhet në kohë reale duke klikuar butonin “Shkarko dokumentin e vulosur”. Nëse ju nevojitet certifikata në gjuhë të huaj, klikoni butonin "Shfaq certifikatën në gjuhë të huaj"; -Në rastin e certifikatës historike duhet të përzgjidhet periudha “Para vitit 2010” ose “Pas vitit 2010”, në varësi të periudhës për të cilën ju nevojitet ky dokument; - Për periudhën “Para vitit 2010” duhet të plotësohet seksioni me të dhënat e kërkuara dhe në fund klikoni butonin "Dërgo"; -Pasi aplikimi të dërgohet me sukses, do të merret në shqyrtim nga zyra e gjendjes civile përkatëse dhe certifikata do të dërgohet brenda 3 (tre) ditëve pune në llogarinë tuaj në portalin qeveritar e-Albania, në rubrikën “Dokumentet e mia”; -Për periudhën “Pas vitit 2010” duhet të plotësohen të dhënat e shtetasit që ka ndërruar jetë, për të cilin kërkohet dokumenti certifikatë dhe të klikoni butonin "Shfaq certifikatën". Certifikata do të gjenerohet menjëherë nga Regjistri Kombëtar i Gjendjes Civile (RKGjC) i vitit 2010. Për shkarkimin e certifikatës së vdekjes klikoni butonin "Shkarko dokumentin e vulosur". Certifikatën e gjeneruar me vulë elektronike mund ta gjeni në çdo kohë në seksionin "Dokumentet e mia" te hapësira juaj në portalin e-Albania.

Koha e nevojshme e marrjes së shërbimit
“Certifikata e vdekjes nga Regjistri Kombëtari Gjendjes Civile” pas vitit 2010, gjenerohet menjëherë. “Certifikata e vdekjes nga Regjistri Kombëtari Gjendjes Civile” për periudhën 1923 - 2010, lëshohet brenda 3 (tre) ditëve pune.

Periudha e vlefshmërisë
Pa afat

Kostot
Pa pagesë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al