Click here to read the description of this e-service in English.
Nëpërmjet shërbimit “Pasaporta e Startup-it / Start-up Passport” mund të dërgohet aplikimi për pasaportën e startup-it. Pasaporta e startup-it është një dokument elektronik i cili gjenerohet nëpërmjet e-Albania, pas plotësimit të formularit të vetëdeklarimit në regjistrin e startup-eve. Bazuar në ligjin nr. 25 datë 31.03.2022 “Për mbështetjen dhe zhvillimin e startup-eve”, neni 11, pasaporta e startup-it është një dokument elektronik i cili gjenerohet nëpërmjet portalit e-Albania, pas plotësimit të formularit të vetëdeklarimit në regjistrin e startup-eve. Regjistri shërben për vetëdeklarimin e startup-eve për mbajtjen e të dhënave të startup-eve të vetëdeklaruar, për kërkuesit dhe përfituesit e granteve dhe të masave të tjera mbështetëse. Në momentin e vetëdeklarimit të startup-it, nga individi, personi fizik ose juridik, në regjistrin e startup-eve, gjenerohet numri personal dhe dokumenti elektronik, pasaporta e startup-eve.

Dokumentacioni i nevojshëm
Dokumente që duhet të ngarkohen nga aplikanti: - Logo e startup-it.

Hapat e procedurës
Aplikim për herë të parë për pasaportën Startup - Zgjidhni shërbimin "Pasaporta e Startup-it / Start-up Passport"; - Klikoni butonin" Përdor"; - Përzgjidhni mënyrën e identifikimit si shtetas shqiptar apo i huaj; - Plotësoni formularin elektronik me të dhënat e nevojshme të kërkuara në formular; - Klikoni butonin “Dërgo” në fund të formularit; - Njësia përgjegjëse pranë Ministrit të Ekonomisë dhe Inovacionit nënshkruan elektronikisht pasaportën e gjeneruar pas plotësimit të formularit të vetëdeklarimit nga ana e aplikantit; - Pasaporta e startup-it me firmë elektronike bëhet e aksesueshme për shkarkim nga aplikanti, në llogarinë e tij në e-Albania. Aplikim për rinovim të pasaportës Startup - Zgjidhni shërbimin "Pasaporta e Startup-it / Start-up Passport"; - Klikoni butonin" Përdor"; - Përzgjidhni mënyrën e identifikimit si shtetas shqiptar apo i huaj; - Në rast rinovimi klikoni butonin "Rinovo”; - Plotësoni formularin elektronik me të dhënat e nevojshme të kërkuara në formular; - Klikoni butonin “Dërgo” në fund të formularit; - Njësia përgjegjëse pranë Ministrit të Ekonomisë dhe Inovacionit nënshkruan elektronikisht pasaportën e rinovuar; - Pasaporta e startup-it me firmë elektronike bëhet e aksesueshme për shkarkim nga aplikanti, në llogarinë e tij në e-Albania.

Koha e nevojshme e marrjes së shërbimit
2 ditë pune

Periudha e vlefshmërisë
Nga data e vetëdeklarimit deri në 24 muaj.

Kostot
Pa kosto

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al