Ky shërbim mundëson dërgimin e aplikimit për pajisje me autorizim për stacion qëndrimi për marrjen e udhëtarëve në stacione të përcaktuara përgjatë itinerarit të linjave të transportit ndërqytetës. Autorizimi lëshohet si dokument nga autoriteti që ka kompetencën, pas miratimit nga grupi i punës. Baza ligjore: - Ligji Nr. 8308, datë 18.03.1998 “Për Transportet Rrugore”, i ndryshuar; - Udhëzimi Nr. 5628, datë 18.11.2016 "Për miratimin e rrjetit të linjave ndërqytetëse", i ndryshuar; - Urdhëri i përbashkët të Drejtorisë së Përgjithshme të Shërbimeve të Transportit Rrugor (DPSHTRR) dhe Autoritetit Rrugor Shqiptar (ARRSH) me Nr. 1008, datë 20.10.2021.

Dokumentacioni i nevojshëm
Dokumente që ngarkohen nga aplikanti: - Kërkesa e arsyetuar e subjektit; - Dokumenti që vërteton miratimin e stacionit.

Hapat e procedurës
- Identifikohuni si biznes në portal; - Zgjidhni shërbimin "Autorizim stacion qëndrimi për linjat e transportit ndërqytetës"; - Klikoni butonin "Përdor"; - Plotësoni formularin e aplikimit dhe ngarkoni dokumentacionin përkatës; - Pas shqyrtimit nëse aplikimi plotëson kriteret, aplikanti do të njoftohet elektronikisht nga DPSHTRR për miratimin e kërkesës dhe paraqitjen pranë zyrave të DPSHTRR për tërheqjen e dokumentit; - Në rast se aplikimi refuzohet, aplikanti do të njoftohet elektronikisht për arsyet e refuzimit.

Koha e nevojshme e marrjes së shërbimit
30 ditë

Periudha e vlefshmërisë
Deri në fund të afatit të licencës.

Kostot
Pa kosto

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al