Ky shërbim mundëson dërgimin e aplikimit për miratimin e kërkesës për shtim/heqje të numrit të orareve dhe ndryshim të orës së nisjes dhe kthimit në linjat e transportit ndërqytetës. Baza ligjore: - Ligji Nr. 8308, datë 18.03.1998 “Për Transportet Rrugore”, i ndryshuar; - Udhëzimi Nr. 5627, datë 18.11.2016, “Për përcaktimin e kritereve, rregullave dhe dokumentacionit për lëshimin e licencave dhe certifikatave për ushtrimin e veprimtarisë në transportin rrugor të udhëtarëve brenda vendit”, i ndryshuar; - Udhëzimi Nr. 5628, datë 18.11.2016 "Për miratimin e rrjetit të linjave ndërqytetëse", i ndryshuar;

Dokumentacioni i nevojshëm
Dokumente për shtimin dhe heqjen e numrit të orareve që ngarkohen nga aplikanti: - Kërkesa e arsyetuar e subjektit të licencuar; - Kërkesa e arsyetuar e Bashkisë; - Marrëveshje me subjektin partner të linjës anasjelltas.

Hapat e procedurës
- Identifikohuni si biznes në portal; - Zgjidhni shërbimin "Kërkesë për shtim/ndryshim/heqje orari në linjat e transportit ndërqytetës"; - Klikoni butonin "Përdor"; - Plotësoni formularin e aplikimit dhe ngarkoni dokumentacionin përkatës; - Përzgjidhni fushën përkatëse: - Kërkesa për shtim/heqje të numrit të orareve shqyrtohet nga Komisioni Vlerësues ndërsa kërkesa për ndryshimin e orës së nisjes dhe kthimit shqyrtohet nga zyra e licencave; - Pas shqyrtimit nëse aplikimi plotëson kriteret, aplikanti do të njoftohet elektronikisht për miratimin e kërkesës; - Në rast se kërkesa nuk miratohet, aplikanti do të njoftohet elektronikisht për arsyet e refuzimit; - Pas miratimit të kërkesës, duhet të aplikoni për përditësimin e licencës me oraret e reja.

Koha e nevojshme e marrjes së shërbimit
30 ditë

Periudha e vlefshmërisë
Deri në përfundimin e licencës.

Kostot
Pa kosto

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al