Shërbimi elektronik "Aplikim për konfirmimin e të dhënave në Regjistrin e Pronarëve Përfitues" ju mundëson subjekteve që të aplikojnë online për konfirmimin e të dhënave të pronarit përfitues të subjektit raportues, të regjistruar në regjistrin tregtar ose në regjistrin e organizatave jofitimprurëse. Baza ligjore: - Shërbimi ofrohet në zbatim të Ligjit nr. 112/2020, “Për regjistrin e Pronarëve Përfitues”, i ndryshuar;

Dokumentacioni i nevojshëm
Dokumentet që duhet të ngarkohen nga aplikanti: - Dokumenti i autorizimit, nëse aplikimi nuk kryhet nga përfaqësuesi ligjor.

Hapat e procedurës
- Identifikohuni si biznes në portalin e-Albania; - Zgjidhni shërbimin “Aplikim për konfirmimin e të dhënave në Regjistrin e Pronarëve Përfitues"; - Klikoni butonin "Përdor"; - Ndiqni hapat e aplikimit dhe plotësoni formularin elektronik me të dhënat e nevojshme; - Klikoni butonin “Dërgo” në faqen e fundit të formularit; - Nëpunësi i QKB verifikon dokumentet e aplikimit dhe merr vendimin përkatës pas shqyrtimit të aplikimit; - Dërgimi i përgjigjes dhe vendimit përkatës subjektit aplikues nga nëpunësi i autorizuar i QKB dërgohet në adresen e e-mail si dhe te ”Hapësira ime” në portalin e-Albania. - Nëse vendimi është miratim i konfirmimit të të dhënave të një aplikimi të mëparshëm subjekti që ka kryer aplikimin mund të gjenerojë nga portali e-Albania ekstraktin për të dhënat e regjistruara në Regjistrin e Pronarëve Përfitues. Kujdes! Për dërgimin me sukses të aplikimit, nevojitet detyrimisht nënshkrimi elektronik i formularit të plotësuar të aplikimit nga administratori i subjektit. Për të kryer pajisjen me nënshkrim elektronik, aplikoni përmes shërbimit: Aplikim për pajisje me nënshkrim elektronik për qytetarët/bizneset

Koha e nevojshme e marrjes së shërbimit
2 ditë pune. Sqarim: Për aplikimet e kryera gjatë ditëve të pushimit zyrtar afati për shqyrtimin e aplikimin fillon me fillimin e orarit zyrtar të punës për ditën pasardhëse.

Periudha e vlefshmërisë
Në rastin e miratimit të aplikimit lëshohet vërtetimi i miratimit të aplikimit i cili nuk ka afat.

Kostot
Pa pagesë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al