Shërbimi elektronik "Aplikim për certifikatë elektronike për projektin e fiskalizimit" mundëson pajisjen me Certifikatë Elektronike për institucionet shtetërore në kuadër të projektit të fiskalizimit. Kjo certifikatë digjitale është e lidhur në mënyrë unike me biznesin si entitet. Në zbatim të Vendimit të Këshillit të Ministrave Nr.673, datë 22.11.2017, “Për Riorganizimin e Agjencisë Kombëtare të Shoqërisë së Informacionit”, si dhe nenit 19, ligjit nr.9980, “Për Nënshkrimin Elektronik” i ndryshuar, si dhe në mbështetje të ligjit nr.107/2015, “Për Identifikimin Elektronik dhe Shërbimet e Besuara” i ndryshuar, AKSHI zhvillon, administron, mirëmban Infrastrukturën e Çelësit Publik (PKI) dhe menaxhon Certifikatat Elektronike X.509 v3.

Dokumentacioni i nevojshëm
Për këtë shërbim nuk nevojitet dokumentacion shoqërues.

Hapat e procedurës
- Identifikohuni si biznes në portalin e-Albania; - Zgjidhni shërbimin "Aplikim për pajisje me certifikaten elektronike të projektit të fiskalizimit për institucionet shtetërore"; - Klikoni butonin "Përdor"; - Plotësoni të dhënat e kërkuara në formularin përkatës elektronik; - Klikoni butonin “Dërgo” në fund të formularit; - Kërkesa do të dërgohet në Drejtorinë e Sigurisë e-Gov, sektori i fushës së PKI-së dhe do të procedohet nga specialistët e fushës së Infrastrukturës dhe Çelësave Publikë; - Certifikata Elektronike do ju dërgohet në llogarinë e biznesit në portalin qeveritar e-Albania, në rubrikën “Dokumentet e mia”. *Para se të kryeni aplikimin, lutemi të verifikoni që numri i kontaktit dhe adresa e-mailit e regjistruar në portalin qeveritar e-Albania të jenë të aksesueshme në mënyrë të sigurt nga ana juaj, pasi fjalëkalimi për të aksesuar certifikatën elektronike do ju dërgohet me mesazh nga portali qeveritar e-Albania dhe me e-mail nga adresa njoftime.pki@akshi.gov.al.

Koha e nevojshme e marrjes së shërbimit
10 ditë pune

Periudha e vlefshmërisë
1 vit nga koha e gjenerimit të certifikatës

Kostot
Pa pagesë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al