Ky shërbim i mundëson subjekteve të regjistruar nga AKSHE në fushën e tranferimit të mallrave ushtarake, aplikimin për Licencë për kryerjen e veprimtarive ndërmjetësuese. Licensa lëshohet në rastet kur subjekti ka si objektiv negocimin apo organizimin e transaksioneve për blerjen, shitjen ose furnizimin e mallrave të kontrolluara nga një vend i huaj, në cilindo vend tjetër të huaj; ose blerja, shitja apo organizimi i transferimeve të mallrave të kontrolluara që ndodhen në një vend të huaj, drejt një vendi tjetër të huaj. Në zbatim të Ligjit nr. 46/2018 “Për kontrollin shtetëror të transferimeve ndërkombëtare të mallrave ushtarake dhe të artikujve e teknologjive me përdorim të dyfishtë”.

Dokumentacioni i nevojshëm

Dokumente që sigurohen nga nëpunësit e administratës	Dokumente që ngarkohen nga aplikanti
1. Vërtetim që aplikanti nuk është në proces gjyqësor	1. Vërtetim nga banka ku do të kryhet transferimi monetar
2. Vërtetim nga prokuroria që aplikanti nuk është në procedim penal	2. Mënyra e financimit të veprimtarisë
	3. Dokumente të tjera të vlefshme që do të konsiderohen si të tilla nga AKSHE
	4. Mandatpagesa
	5. Dokument që përcakton personin ose personat përgjegjës të cilët do të kryejë veprimtarinë e ndërmjetësimit

* Mbledhja e dokumentacionit shoqërues të mësipërm që më parë ishte detyrim të dorëzohej në zyrat e shtetit nga vetë aplikanti, tani është detyrë e nëpunësit të administratës ndaj qytetarit. Me dhënien e aprovimit, ju bini dakord që këto dokumente të sigurohen për ju nga nëpunësi i administratës.

Hapat e procedurës
- Identifikohuni si subjekt në portal; - Zgjidhni shërbimin "Aplikim për licencë për veprimtari ndërmjetësuese (brokerage) për mallrat ushtarake”; - Klikoni butonin "Përdor"; - Plotësoni formularin elektronik me të dhënat e nevojshme; - Klikoni butonin “Dërgo” në faqen e fundit të formularit; - Punonjësi i institcionit proceson kërkesën e ardhur dhe në varësi të vendimit që merret i kthen përgjigje me e-mail aplikuesit, me URL-në e shkarkimit të përgjigjes elektronike të ruajtur tek “Dokumentet e mia” në e-Albania, ose me njoftimin e arsyes së refuzimit.

Koha e nevojshme e marrjes së shërbimit
45 ditë

Periudha e vlefshmërisë
1 Vit

Kostot
3000 lekë (shkarkoni faturën këtu).

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al