Ky shërbim i mundëson subjekteve të regjistruar nga AKSHE në fushën e tranferimit të mallrave me perdorim të dyfishtë, aplikimin për Licencë për kryerjen e veprimtarive ndërmjetësuese. Licensa lëshohet në rastet kur subjekti ka si objektiv negocimin apo organizimin e transaksioneve për blerjen, shitjen ose furnizimin e mallrave të kontrolluara nga një vend i huaj, në cilindo vend tjetër të huaj; ose blerja, shitja apo organizimi i transferimeve të mallrave të kontrolluara që ndodhen në një vend të huaj, drejt një vendi tjetër të huaj. Në zbatim të Ligjit nr. 46/2018 “Për kontrollin shtetëror të transferimeve ndërkombëtare të mallrave ushtarake dhe të artikujve e teknologjive me përdorim të dyfishtë”.

Dokumentacioni i nevojshëm
Dokumente që duhet të ngarkohen nga aplikanti: - Përmbledhje e shkurtër mbi aktivitetin tregtar të deritanishëm; - Dokument që vërteton eksperiencën në fushën e transferimit ndërkombëtar të mallrave me përdorim të dyfishtë; - Vërtetim nga banka ku do të kryhet transferimi monetar; - Të dhëna mbi vendin/përdoruesin e fundit dhe qëllimin e përdorimit të fundit; - Të dhëna mbi transportin, mjetin e transportit, transportuesin, periudhën e kohës së nevojshme për kryerjen e transportit; - Dokumente të tjera të vlefshme që do të konsiderohen si të tilla nga AKSHE; - Mandatpagesa.

Hapat e procedurës
- Identifikohuni si subjekt në portal; - Zgjidhni shërbimin "Aplikim për licencë për veprimtari ndërmjetësuese (brokerage) më një përdorim për mallrat me përdorim të dyfishtë”; - Klikoni butonin "Përdor"; - Plotësoni formularin elektronik me të dhënat e nevojshme; - Klikoni butonin “Dërgo” në faqen e fundit të formularit; - Punonjësi i institcionit proceson kërkesën e ardhur dhe në varësi të vendimit që merret i kthen përgjigje me e-mail aplikuesit, me URL-në e shkarkimit të përgjigjes elektronike të ruajtur tek “Dokumentet e mia” në e-Albania, ose me njoftimin e arsyes së refuzimit.

Koha e nevojshme e marrjes së shërbimit
30 ditë

Periudha e vlefshmërisë
1 vit

Kostot
3000 lekë (shkarkoni faturën këtu).

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al