Ky shërbim i mundëson subjekteve aplikimin për Licencë Individuale për Import për kryerjen e transferimeve ndërkombëtare të artikujve ne përdorim të dyfishtë. Në zbatim të Ligjit nr. 46/2018 “Për kontrollin shtetëror të transferimeve ndërkombëtare të mallrave ushtarake dhe të artikujve e teknologjive me përdorim të dyfishtë”, kjo licensë lëshohet nga Autoriteti i Kontrollit Shtetëror të Eksporteve, për lëvizjen e mallrave nga një vend i huaj në territorin e Republikës së Shqipërisë, për t’u kthyer më vonë në vendin e nisjes.

Dokumentacioni i nevojshëm
Dokumente që ngarkohen nga aplikanti: - Autorizim për përfaqësuesin e institucionit për ndjekjen e procedurës së licencimit - Vërtetim nga banka ku do të kryhet transferimi monetar - Deklaratë personale e importuesit mbi përdorimin dhe përdoruesin e fundit - Kopje të noterizuara të kontratës apo porosisë, me afat vlefshmërie jo më pak se tre vjet - Kopje të faturës së mallit (proforma invoice), të nënshkruar nga një përfaqësues i shoqërisë - Dokumente që japin të dhëna për përshkrimin e mallit, kushtet e shpërndarjes, sasinë e mallit, vlerën e mallit, shtetin tranzit, vendin e destinacionit, përdoruesin e fundit dhe vendin e origjinës së mallit - Dokumente që japin të dhëna për firmën partnere/ndërmjetës (nëse ka) mbi adresën, përfaqësuesin ligjor - Dokumente të tjera të vlefshme që do të konsiderohen si të tilla nga AKSHE - Mandatpagesa

Hapat e procedurës
- Identifikohuni si subjekt në portal; - Zgjidhni shërbimin "Aplikim për licencë importi me një përdorim për mallrat me përdorim të dyfishtë”; - Klikoni butonin "Përdor"; - Plotësoni formularin elektronik me të dhënat e nevojshme; - Klikoni butonin “Dërgo” në faqen e fundit të formularit; - Punonjësi i institcionit proceson kërkesën e ardhur dhe në varësi të vendimit që merret i kthen përgjigje me e-mail aplikuesit, me URL-në e shkarkimit të përgjigjes elektronike të ruajtur tek “Dokumentet e mia” në e-Albania, ose me njoftimin e arsyes së refuzimit.

Koha e nevojshme e marrjes së shërbimit
20 ditë

Periudha e vlefshmërisë
1 vit

Kostot
3000 lekë (shkarkoni faturën këtu).

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al