Ky shërbim i mundëson subjekteve aplikimin për Certifikatë Registrimi për kryerjen e transferimeve ndërkombëtare të mallrave ushtarake. Në zbatim të Ligjit nr. 46/2018 “Për kontrollin shtetëror të transferimeve ndërkombëtare të mallrave ushtarake dhe të artikujve e teknologjive me përdorim të dyfishtë”, personat fizikë/juridikë, të cilët paraqesin interes të kryejnë transferime ndërkombëtare të mallrave ushtarake ose të angazhohen në veprimtari ndërmjetësimi, kanë detyrimin e regjistrimit tek Autoriteti i Kontrollit Shtetëror të Eksporteve kundrejt paraqitjes së dokumentacionit për regjistrim dhe pajisjes me certifikatë regjistrimi.

Dokumentacioni i nevojshëm

Dokumente që sigurohen nga nëpunësit e administratës	Dokumente që ngarkohen nga aplikanti
1. Dëshmi e penalitetit të përfaqësuesit të autorizuar	1. Autorizim për përfaqësuesin e institucionit për ndjekjen e procedurës së licencimit
2. Vërtetim nga përmbarimi që aplikanti nuk ka detyrime ndaj personave fizikë apo juridikë, privatë apo shtetërorë	2. Përmbledhje e shkurtër mbi aktivitetin e deritanishëm, si dhe një argumentim mbi shprehjen e interesit për t'u pajisur me certifikatë regjistrimi
3. Vërtetim për shlyerjen e detyrimeve, nga dega e tatim taksave	3. Dokument që jep të dhëna mbi strukturën dhe stafin administrativ të shoqërisë
4. Vërtetim që aplikanti nuk është në proces gjyqësor	4. Dokument që vërteton besueshmërinë financiare (bilanci ose xhiro vjetore, kapitalet, garanci bankare)
5. Vërtetim nga prokuroria që aplikanti nuk është në procedim penal	5. Mandatpagesa

* Mbledhja e dokumentacionit shoqërues të mësipërm që më parë ishte detyrim të dorëzohej në zyrat e shtetit nga vetë aplikanti, tani është detyrë e nëpunësit të administratës ndaj qytetarit. Me dhënien e aprovimit, ju bini dakord që këto dokumente të sigurohen për ju nga nëpunësi i administratës.

Hapat e procedurës
- Identifikohuni si subjekt në portal; - Zgjidhni shërbimin "Aplikim për certifikatë regjistrimi për mallra ushtarake”; - Klikoni butonin "Përdor"; - Plotësoni formularin elektronik me të dhënat e nevojshme; - Klikoni butonin “Dërgo” në faqen e fundit të formularit; - Punonjësi i institcionit proceson kërkesën e ardhur dhe në varësi të vendimit që merret i kthen përgjigje me e-mail aplikuesit, me URL-në e shkarkimit të përgjigjes elektronike të ruajtur tek “Dokumentet e mia” në e-Albania, ose me njoftimin e arsyes së refuzimit.

Koha e nevojshme e marrjes së shërbimit
30 ditë

Periudha e vlefshmërisë
30 ditë

Kostot
3000 lekë (shkarkoni faturën këtu).

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al