Shërbimi elektronik "Të ardhura për paaftësi të përhershme në masë të vogël nga aksidente në punë dhe sëmundje profesionale" i mundëson qytetarëve të kryejnë online aplikimin për të përfituar të ardhura në rast paaftësie të përhershme si rrjedhojë e aksidenteve në punë dhe sëmundjeve që shkaktohen për shkak të vendit të punës. Në rast të dhëniës së raportit mjekësor me nënshkrim elektronikisht nga mjeku nuk është e nevojshme dërgimi me postë, por vetëm ngarkohet në portalin e-Albania. Baza ligjore: - Neni 35; 36; 38; 39, i Kreut të III-të, të Ligjit nr. 7703, datë 11.05.1993, "Për Sigurimet Shoqërore në Republikën e Shqipërisë", të ndryshuar; - Udhëzimi nr. 2, datë 05.10.2005, i ISSH-së, "Për llogaritjen dhe indeksimin e bazës së vlerësuar dhe pagës neto për efekt pensioni"; - Rregullore nr. 1, datë 19.10.2009, i ISSH-së, "Mbi administrimin dhe llogaritjen e pensioneve".

Dokumentacioni i nevojshëm

Dokumente që sigurohen nga nëpunësit e administratës	Dokumente që ngarkohen nga aplikanti
1. Listë pagesa e përfitimeve afatshkurtra	1. Raport mjekësor (i shkarkuar me nënshkrim elektronik)
2. Vërtetim për bazën e vlerësuar	2. Proces Verbal i Aksidentit në Punë

* Mbledhja e dokumentacionit shoqërues të mësipërm që më parë ishte detyrim të dorëzohej në zyrat e shtetit nga vetë aplikanti, tani është detyrë e nëpunësit të administratës ndaj qytetarit. Me dhënien e aprovimit, ju bini dakord që këto dokumente të sigurohen për ju nga nëpunësi i administratës.

Hapat e procedurës
- Identifikohuni si biznes me NIPT në portal; - Zgjidhni shërbimin "Të ardhura për paaftësi të përhershme në masë të vogël nga aksidente në punë dhe sëmundje profesionale”; - Klikoni butonin "Përdor"; - Plotësoni formularin elektronik me të dhënat e nevojshme dhe ngarkoni dokumentet e specifikuara; - Klikoni butonin “Dërgo” në faqen e fundit të formularit; - Punonjësi i institucionit merr në trajtim aplikimin e dërguar dhe lajmëron aplikantin rreth vendimit të marrë për aplikimin e tij.

Koha e nevojshme e marrjes së shërbimit
30 - 60 ditë

Periudha e vlefshmërisë
Deri në moshën e pensionit të pleqërisë

Kostot
Pa kosto

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al