Ky shërbim u mundëson të gjithë personave juridikë dhe fizikë, të cilët ushtrojnë veprimtari në fushën e shpërndarjes së filmave., të aplikojnë për pajisje me leje qarkullimi për filmat që shfaqen në terrritorin e RSH. Komisioni i Vizionimit pajis me leje për qarkullim veprat filmike të krijuara brenda territorit të Shqipërisë ose të importuara nga jashtë. Distributori që dëshiron të marrë liçensën e qarkullimit duhet të paraqesë kopjen e filmit në format elektronik. Kopja e filmit duhet të jetë e njëjtë në gjatësi dhe cilësi me kopjen që do të qarkullojë. Për pajisjen me Leje qarkullimi, distributori është i detyruar të përgatisë për qarkullim filmin të dubluar ose të subtitruar në gjuhën shqipe. Baza ligjore: - Neni 4, pika 9, i ligjit nr. 8096, datë 21.03.1996, “Për kinematografinë”, të ndryshuar.

Dokumentacioni i nevojshëm
Dokumente që duhet të ngarkohen nga aplikanti: - Mandat pagesa; (Shkarkoni faturën këtu) - Link-u i filmit në formë elektronike.

Hapat e procedurës
- Identifikohuni si biznes në portal; - Zgjidhni shërbimin "Aplikim për pajisje me leje qarkullimi filmat që shfaqen në territorin e RSH”; - Klikoni butonin "Përdor"; - Plotësoni formularin elektronik me të dhënat e nevojshme; - Klikoni butonin “Dërgo” në faqen e fundit të formularit; - Specialistët përkatës do të bëjnë shqyrtimin e aplikimit. Aplikanti do të njoftohet nëpërmjet adresës së tij e-mail dhe në rubrikën "Dokumentet e mia" rreth miratimit apo refuzimit të kërkesës.

Koha e nevojshme e marrjes së shërbimit
10 ditë pune

Periudha e vlefshmërisë
Pa afat

Kostot
2000 Lekë/film

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al