Ky shërbim u mundëson të gjithë personave juridikë dhe fizikë, të cilët ushtrojnë veprimtari në fushën e prodhimit dhe të shpërndarjes së filmave, të bëjnë regjistrimin vjetor të Producentit. Producent i një vepre filmike është një person ose grup personash fizikë ose juridikë, vendas apo të huaj, që organizon e mbështet ekonomikisht dhe merr përgjegjësinë për realizimin e veprës filmike me ose pa fond buxhetor. Ai gëzon të drejtën e shfrytëzimit ekonomik mbi veprën filmike të realizuar. Qendra Kombëtare e Kinematografisë kryen regjistrimin vjetor të subjekteve juridikë dhe fizikë të cilët ushtrojnë veprimtari në fushën e prodhimit dhe të shpërndarjes së filmave. Baza ligjore: - Baza ligjore: Neni 4, pika 7, Ligji nr. 8096, datë 21.03.1996, “Për kinematografinë”, të ndryshuar

Dokumentacioni i nevojshëm

Dokumente që sigurohen nga nëpunësit e administratës	Dokumente që ngarkohen nga aplikanti
1. Vërtetim për shlyerjen e detyrimeve tatimore	1. Mandat pagesa (Shkarkoni faturën këtu për person fizik) (Shkarkoni faturën këtu për person juridik)
2. Ekstrakt i thjeshtë i biznesit i lëshuar nga QKB	2. Prokura e përfaqësimit (në rast se përfaqësohet nga një person tjetër)
	3. ID e administratorit

* Mbledhja e dokumentacionit shoqërues të mësipërm që më parë ishte detyrim të dorëzohej në zyrat e shtetit nga vetë aplikanti, tani është detyrë e nëpunësit të administratës ndaj qytetarit. Me dhënien e aprovimit, ju bini dakord që këto dokumente të sigurohen për ju nga nëpunësi i administratës.

Hapat e procedurës
- Identifikohuni si biznes në portal; - Zgjidhni shërbimin "Aplikim për regjistrimin vjetor të producentëve”; - Klikoni butonin "Përdor"; - Plotësoni formularin elektronik me të dhënat e nevojshme; - Klikoni butonin “Dërgo” në faqen e fundit të formularit; - Specialistët përkatës do të bëjnë shqyrtimin e aplikimit. Aplikani do të njoftohet nëpërmjet adresës së tij e-mail dhe në rubrikën "Dokumentet e mia" rreth miratimit apo refuzimit të kërkesës.

Koha e nevojshme e marrjes së shërbimit
2 dite

Periudha e vlefshmërisë
1 vit kalendarik

Kostot
Person fizik 5000 lekë
Person juridik 10,000 lekë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al