Ky shërbim mundëson dërgimin e aplikimit për mbështetje financiare me fonde publike të projekt ideve në fushën e artit, kulturës, trashëgimisë. Projekt idete e individeve artiste, shoqatave apo organizatave te fushes shqyrtohen nga kolegjiume të ngritura rast pas rasti dhe miratohen/ose jo. Aktivitetet ndiqen dhe monitorohen deri në përfundim nga specialistët e Ministrisë së Kulturës. Pas nënshkrimit të kontratës me Ministrinë e Kulturës, lëvrohen 60% të shumës dhe në perfundim të projektit, pas dorëzimit të faturave financiare dhe raportimeve narrative dhe financiare lëvrohet dhe 40 % i shumës së mbetur. Bazuar në pikën 4, Neni 102 te Kushtetutes; Ligji 10352, 2010 “Per artin dhe kulturen”, i ndryshuar.

Dokumentacioni i nevojshëm

Dokumente që sigurohen nga nëpunësit e administratës	Dokumente që ngarkohen nga aplikanti
Dokumentet e kërkuara për Individët	Dokumentet e kërkuara për Individët
	1. Dokumentacioni financiar i detajuar
	2. Vërtetim bankar
Dokumentet e Kërkuara për subjektet	Dokumentet e Kërkuara për subjektet
1. Kopje e dokumentit të regjistrimit në organin tatimor (NIPT)	1. Kopje e Statutit/Vendimit të Gjykatës të organizatës (varianti më i fundit)
2. Vërtetim nga Drejtoria e Tatim Taksave që organizata nuk ka detyrime të pashlyera për sa i përket kontributeve për sigurimet shoqërore, sigurimet shëndetësore dhe tatim-taksat	2. Dokumentacioni financiar i detajuar
	3. Vërtetim bankar

* Mbledhja e dokumentacionit shoqërues të mësipërm që më parë ishte detyrim të dorëzohej në zyrat e shtetit nga vetë aplikanti, tani është detyrë e nëpunësit të administratës ndaj qytetarit. Me dhënien e aprovimit, ju bini dakord që këto dokumente të sigurohen për ju nga nëpunësi i administratës.

Hapat e procedurës
- Identifikohuni si qytetar ose biznes në portal; - Zgjidhni shërbimin "Aplikim për projekte të brendshme me financim në Ministrinë e Kulturës”; - Klikoni butonin "Përdor"; - Plotësoni formularin e aplikimit dhe ngarkoni dokumentacionin përkatës; - Pas plotësimit të dokumentacionit, aplikimi kalon për shqyrtim pranë Ministrisë së Kulturë; - Pas shqyrtimit dhe nëse aplikimi është në rregull, aplikanti udhëzohet rreth procedurave që duhet të ndjekë. Në të kundërt refuzohet regjistrimi duke njoftuar aplikuesin mbi arsyen e refuzimit nëpërmjet adresës e-mail dhe te rubrika "Dokumentet e mia".

Koha e nevojshme e marrjes së shërbimit
30 ditë

Periudha e vlefshmërisë
1 vit kalendarik

Kostot
Pa pagesë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al