Ky shërbim mundëson dërgimin e aplikimit për vendosje baneri, material reklamues, postera në hapësira të pasurive kulturore. Baza ligjore: - Neni 101 ligji 27/2018 “Për trashëgiminë kulturore dhe muzetë”.

Dokumentacioni i nevojshëm

Dokumente që sigurohen nga nëpunësit e administratës	Dokumente që ngarkohen nga aplikanti
1. Vërtetim regjistrim biznesi nga QKB ose vendimin e regjistrimit në gjykatë (në rastin e subjekteve)	1. Informacion grafik mbi detajet e fiksimit
2. Marrje mendim / miratim paraprakisht sipas rastit nga IKTK, DRTK, ZAKPA dhe Muze	2. Informacion grafik dhe teknik i pozicionimit të banerit/materialit reklamues/posterit në pasurinë kulturore
3. Shqyrtim / miratim nga këshillat kombëtarë vendimmarrës sipas rastit nga: KKTKM	3. Në rast se aktiviteti zhvillohet në bashkëpunim me institucione apo palë të treta, kërkesa të shoqërohet me dokumentacion që vërteton këtë bashkëpunim (akt-marrëveshje, kontrata, etj. sipas rastit)
	4.Të dhënat mbi përmbajtjen e banerit/materialit reklamues/posterit: -të dhëna në lidhje me aktivitetin në kuadër të të cilit kërkohet vendosja e tij; -afatet kohore që do të qëndrojë baneri/materiali reklamues/posteri.

* Mbledhja e dokumentacionit shoqërues të mësipërm që më parë ishte detyrim të dorëzohej në zyrat e shtetit nga vetë aplikanti, tani është detyrë e nëpunësit të administratës ndaj qytetarit. Me dhënien e aprovimit, ju bini dakord që këto dokumente të sigurohen për ju nga nëpunësi i administratës.

Hapat e procedurës
- Identifikohuni si qytetar ose si biznes në portal; - Zgjidhni shërbimin "Aplikim për miratim leje për vendosjen e materialeve informuese dhe reklamuese në pasuritë kulturore”; - Klikoni butonin "Përdor"; - Plotësoni formularin e aplikimit dhe ngarkoni dokumentacionin përkatës; - Pas plotësimit të dokumentacionit, aplikimi kalon për shqyrtim pranë Ministrisë së Kulturë; - Pas shqyrtimit dhe nëse aplikimi është në rregull, aplikanti udhëzohet rreth procedurave që duhet të ndjekë. Në të kundërt refuzohet regjistrimi duke njoftuar aplikuesin mbi arsyen e refuzimit nëpërmjet adresës e-mail dhe te rubrika "Dokumentet e mia". Sqarim: Kërkesa për leje për zhvillim aktiviteti duhet të paraqitet 15 ditë pune para datës së zhvillimit të aktivitetit. Në varësi të specifikës së kërkesës Ministria e Kulturës rezervon të drejtën për të kërkuar informacione shtesë.

Koha e nevojshme e marrjes së shërbimit
15 ditë pune

Periudha e vlefshmërisë
Në bazë të dispozitave të urdhrit të Ministrit

Kostot
Në bazë të kontratës

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al