Shërbimi "Pajisje me Dëshmi Aftësie Profesionale për Mjete Jashtë Norme DAPMJN" i mundëson qytetarëve të aplikojnë online për t'u pajisur me Dëshmi DAPMJN në mënyre që të punësohet pranë subjeketeve që merren me transportin e mjeteve jashtë norme. Baza ligjore: Udhëzimi Nr.4447 datë 23.09.2003, “Për shoqërimin teknik të mjeteve jashtë norme në kryerjen e transporteve në kushte jo normale”.” Qëllimi i këtij udhëzimi është përcaktimi i kërkesave për shërbimin e shoqërimit teknik në procesin e kryerjes së transporteve në kushte jonormale me mjete jashtë norme. Shoqërimi teknik kryhet nga subjekte të autorizuara për këtë shërbim ose të shoqëruara nga Policia Rrugore.

Dokumentacioni i nevojshëm

Dokumente që sigurohen nga nëpunësit e administratës	Dokumente që ngarkohen nga aplikanti
1. Leje drejtimi kategoria B	1. Dëftesa e pjekurisë 2. Raport mjeko ligjor me tre vula 3. Fotografi 4. Mandatpagesa

* Mbledhja e dokumentacionit shoqërues të mësipërm që më parë ishte detyrim të dorëzohej në zyrat e shtetit nga vetë aplikanti, tani është detyrë e nëpunësit të administratës ndaj qytetarit. Me dhënien e aprovimit, ju bini dakord që këto dokumente të sigurohen për ju nga nëpunësi i administratës.

Hapat e procedurës
- Identifikohuni si qytetar në portalin e-Albania; - Zgjidhni shërbimin "Aplikim për pajisje me Dëshmi Aftësie Profesionale për Mjete Jashtë Norme DAPMJN"; - Klikoni butonin" Përdor"; - Plotësoni formularin elektronik me të dhënat e nevojshme të kërkuara në formular; - Autorizimi firmoset dhe vuloset nga Drejtoria Rajonale, më pas niset në Drejtorinë e Përgjithshme të Shërbimit të Transportit Rrugor ku siglohet dhe sekretohet. Dosja i kalon Drejtorise së Kualifikimeve profesionale e cila kontakton kandidatin për trajnim dhe testim. - Ju do të njoftoheni me e-mail dhe tek seksioni “Dokumentet e mia” në e-Albania.

Koha e nevojshme e marrjes së shërbimit
30 ditë

Periudha e vlefshmërisë
Afati kohor maksimal i përcaktuar në aktet nën ligjore është 3 muaj nga data e aplikimit

Kostot
- 500 lek pajisje me autorizim;
- 400 lek/ora trajnimit(14 orë X 400 lek= 5600 lek);
- 3600 pajisja me DAP;
- 600 lek riprovimi

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al