Shërbimi elektronik “Aplikim për rilidhjen e kontratës me Agjencitë dhe Farmacitë e tregut të hapur” u vjen në ndihmë subjekteve të rinovojnë kontratën me Drejtoritë dhe Degët Rajonale të FSDKSH, me qëllim realizimin e skemës së sigurimit shëndetësor nga Fondi, nëpërmjet rimbursimit të pjesshëm ose të plotë të çmimeve të barnave që përdorin të siguruarit, nëpërmjet rimburismit të recetave të ekzekuatuar në farmaci. Baza ligjore: - VKA nr. 71, datë 22.12.2015, i ndryshuar; - Udhëzimi nr.4, datë 06.02.2023.

Dokumentacioni i nevojshëm

Dokumente që sigurohen nga nëpunësit e administratës	Dokumente që ngarkohen nga aplikanti
1. Kopje të licencës së ushtrimit të aktivitetit lëshuar nga QKB	1. Kopjen e Certifikatës së ushtrimit të profesionit, për drejtuesin teknik lëshuar nga Urdhri i Farmacistëve
2. Kopje e certifikatës së regjistrimit tatimor, NIPT/NUIS	2. Inventarin e gjendjes fizike të barnave të rimbursuara, gjendjen në datën e hyrjes në fuqi të LBR së re
3. Vërtetimin, nga prokuroria pranë gjykatës së shkallës së parë, që subjekti farmaceutik administratori dhe ortakët nuk janë nën hetim nga prokuroria	3. Inventarin e gjendjes fizike të barnave të skaduara
4. Dëshmi penaliteti për administratorin dhe drejtuesin teknik	4. Genplani/planimetria e mjedisit mbi 50m2 (15m2 agjencia), të jetë në shkallën 1:100
	5. Plan vendosja e lëshuar nga një arkitekt/inxhinier, të jetë në shkallën 1:500

* Mbledhja e dokumentacionit shoqërues të mësipërm që më parë ishte detyrim të dorëzohej në zyrat e shtetit nga vetë aplikanti, tani është detyrë e nëpunësit të administratës ndaj qytetarit. Me dhënien e aprovimit, ju bini dakord që këto dokumente të sigurohen për ju nga nëpunësi i administratës.

Hapat e procedurës
- Identifikohuni si biznes në portalin e-Albania; - Zgjidhni shërbimin "Aplikim për rilidhjen e kontratës vjetore me Agjencitë dhe Farmacitë e tregut të hapur "; - Klikoni butonin "Përdor"; - Plotësoni formularin, ngarkoni dokumentet dhe përzgjidhni drejtorinë/degën rajonale të Fondit me të cilin do të rilidhni kontratë dhe dërgoni aplikimin; - Pas shqyrtimit të aplikimit, do të njoftoheni me sms tek rubrika “Mesazhet e mia”, ndërsa tek rubrika "Dokumentet e mia" do të gjeni kontratën që do të nënshkruhet elektronikisht midis subjektit dhe Drejtorisë/ Degës Rajonale të Fondit; - Pas nënshkrimit të kontratës, ngarkoni dhe dërgoni kontratën e nënshkruar elektronikisht.

Koha e nevojshme e marrjes së shërbimit
60 ditë

Periudha e vlefshmërisë
Deri në hyrjen në fuqi të LBR së re.

Kostot
Pa pagesë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al