Shërbimi elektronik "Pajisje me Certifikatë Trajnimi ADR për herë të parë" i mundëson qytetarëve të aplikojnë online për pajisje me Certifikatë Trajnimi ADR. Çdo drejtues mjeti që transporton mallra të rrezikshme duhet të jetë i pajisur me Cerifikatë Trajnimi ADR. Aplikantët të cilët aplikojnë për pajisje me Certifikatë, duhet të jenë mbi 20 vjeç dhe të kenë 1 vit eksperiencë në drejtimin e mjeteve mbi 3.5 ton. Baza ligjore: - Marrëveshja Europiane të ADR; - Ligji 118/2012 "Për transportin rrugor të mallrave të rrezikshme".

Dokumentacioni i nevojshëm

Dokumente që sigurohen nga nëpunësit e administratës	Dokumente që ngarkohen nga aplikanti
1. Vërtetim banimi	1. Fotokopje e Lejes së Drejtimit
	2. Fotografi
	3. Mandat pagesa

* Mbledhja e dokumentacionit shoqërues të mësipërm që më parë ishte detyrim të dorëzohej në zyrat e shtetit nga vetë aplikanti, tani është detyrë e nëpunësit të administratës ndaj qytetarit. Me dhënien e aprovimit, ju bini dakord që këto dokumente të sigurohen për ju nga nëpunësi i administratës.

Hapat e procedurës
- Identifikohuni si qytetar në portalin e-Albania; - Zgjidhni shërbimin “Pajisje me Certifikatë Trajnimi ADR për herë të parë”; - Klikoni butonin “Përdor”; - Plotësoni formularin dhe ngarkoni dokumentet e nevojshme; - Klikoni “Dërgo” në faqen e fundit të formularit; - Punonjësi i DPSHTRR njoftohet elektronikisht për mbërritjen e një aplikimi të ri dhe bën verifikimin për saktësinë e dokumenteve; - Në rast se dokumentet janë të sakta punonjësi i kthen përgjigje qytetarit; - Nëse ka pasaktësi ose mungesë dokumentesh, punonjësi i DPSHTRR njofton aplikantin për pasaktësitë dhe e udhëzon për të riplotësuar praktikën e aplikimit.

Koha e nevojshme e marrjes së shërbimit
2 muaj nga data e aplikimit

Periudha e vlefshmërisë
5 vjet

Kostot
16100 lekë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al