Nëpërmjet shërbimit "Licencë për agjenci doganore" u mundësohet autoriteteve doganore të bëjnë verifikimin e detajuar të mundësive dhe besueshmërisë së shoqerive që zgjedhin të ofrojne shërbimin e përfaqësimit të tërthortë të operatorëve ekonomikë në formalitetet doganore. Ligji Nr. 102, datë 31.07.2014, "Kodi Doganor në Republikën e Shqipërisë", i ndryshuar (nenet 24-26); VKM Nr. 651, datë 10.11.2017, "Për dispozitat zbatuese të ligjit nr. 102/2014,Kodi Doganor i Republikës së Shqipërisë" (nenet 78-88); Udhëzimi nr.5, datë 28.03.2019 i Drejtorit të Përgjithshëm të Doganave “Për zbatimin praktik të procedurave për miratimin dhe funksionimin e përfaqësimit në doganë”.

Dokumentacioni i nevojshëm

Dokumente që sigurohen nga nëpunësit e administratës	Dokumente që ngarkohen nga aplikanti
1. Dokumenti i regjistrimit si person juridik pranë Qendrës Kombëtare të Biznesit (ku përshkruhet qartësisht objekti i aktivitetit si agjenci doganore)	1. Kopje origjinale e garancisë në shumën 40.000.000 (dyzet milionë) lekë nga shoqeri sigurimi
2. Vërtetim Prokurorie (Administratorin dhe Ortakët)	2. Kopje origjinale e garancisë bankare në shumën 10.000.000 (dhjetë milionë) lek
3. Vërtetim Gjykate (Administratorin dhe Ortakët)
5. Dëshmi Penaliteti (Administratorin dhe Ortakët)
6. Vërtetim debitor Doganë
7. Vërtetim debitor Tatime

* Mbledhja e dokumentacionit shoqërues të mësipërm që më parë ishte detyrim të dorëzohej në zyrat e shtetit nga vetë aplikanti, tani është detyrë e nëpunësit të administratës ndaj qytetarit. Me dhënien e aprovimit, ju bini dakord që këto dokumente të sigurohen për ju nga nëpunësi i administratës.

Hapat e procedurës
- Identifikohuni si biznes në portalin e-Albania; - Zgjidhni shërbimin "Licencë për agjenci doganore"; - Klikoni butonin" Përdor"; - Plotësoni formularin e aplikimit me të dhënat e kërkuara, ngarkoni dokumentacionin e specifikuar dhe klikoni "Dërgo"; - Aplikimi dërgohet për shqyrtim pranë Departamentit Teknik të Akcizës dhe Procedurave Doganore; - Nëse aplikimi i plotëson kushtet e përcaktuara në legjislacion, bëhet hedhja e autorizimit në sistem. Nëse aplikimi nuk i plotëson kushtet, aplikanti lajmërohet për plotesim dokumentacioni/kthim përgjigje për mosmiratim. - Përgjigja rreth aplikimit tuaj dërgohet në rubrikën "Dokumentet e mia" në llogarinë tuaj në portalin e-albania dhe në adresën tuaj të emailit , me të cilën keni kryer regjistrimin në portal.

Koha e nevojshme e marrjes së shërbimit
30 ditë

Periudha e vlefshmërisë
Pa afat

Kostot
Pa pagesë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al