Në zbatim të Vendimit të Këshillit të Ministrave Nr.673, datë 22.11.2017, “Për Riorganizimin e Agjencisë Kombëtare të Shoqërisë së Informacionit”, si dhe nenit 19, ligjit nr.9980, “Për Nënshkrimin Elektronik” i ndryshuar, si dhe në mbështetje të ligjit nr.107/2015, “Për Identifikimin Elektronik dhe Shërbimet e Besuara” i ndryshuar, AKSHI zhvillon, administron, dhe mirëmban Infrastrukturën e Çelësit Publik (PKI) dhe menaxhon certifikatat dixhitale X.509 të Nënshkrimit Elektronik. Nënshkrimi Elektronik janë të gjitha të dhënat në formë elektronike, të cilat u bashkëlidhen ose shoqërojnë logjikisht të dhëna të tjera elektronike, që shërbejnë si një mënyrë e vërtetimit të identitetit të nënshkruesit dhe vërtetësisë së dokumentit të nënshkruar.

Dokumentacioni i nevojshëm
Për këtë shërbim nuk nevojitet dokumentacion shoqërues.

Hapat e procedurës
- Identifikohuni si qytetar në portalin e-Albania; - Zgjidhni shërbimin "Aplikim për pajisje me nënshkrim elektronik për titullarët e institucioneve"; - Klikoni butonin "Përdor"; - Plotësoni të gjithë të dhënat e nevojshme të kërkuara në formular; - Kërkesa do të dërgohet në Drejtorinë e Sigurisë e-Gov, në sektorin e fushës së PKI-së dhe do të procedohet nga specialistët e fushës së Infrastrukturës dhe Çelësave Publikë. - Ju do të njoftoheni me e-mail brenda 3 ditëve pune për tërheqjen e nënshkrimit elektronik pranë zyrave të Agjencisë Kombëtare të Shoqërisë së Informacionit.

Koha e nevojshme e marrjes së shërbimit
3 ditë pune

Periudha e vlefshmërisë
1-vjeçare

Kostot
Pa pagesë (për institucionet me financim nga busheti i shtetit)
4800 lekë (për institucionet me vetëfinancim) (Shkarkoni faturën)

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al ose vizitoni http://akshi.gov.al/pki/nenshkrimi-elektronik

Ky video tutorial ju tregon hap pas hapi si të aksesoni Platformën e Nënshkrimit Elektronik dhe si të procedoni me firmosjen elektronike.