Në zbatim të Ligjit nr. 43/2023 “Për Qeverisjen Elektronike”, të ndryshuar, nenit 19, Ligjit nr.9880, “Për Nënshkrimin Elektronik” të ndryshuar, si dhe Ligjit nr.107/2015, “Për Identifikimin Elektronik dhe Shërbimet e Besuara” të ndryshuar, AKSHI zhvillon, administron, dhe mirëmban Infrastrukturën e Çelësit Publik (PKI) dhe menaxhon certifikatat dixhitale X.509 të Nënshkrimit Elektronik. Nënshkrimi Elektronik janë të gjitha të dhënat në formë elektronike, të cilat u bashkëlidhen ose shoqërojnë logjikisht të dhëna të tjera elektronike, që shërbejnë si një mënyrë e vërtetimit të identitetit të nënshkruesit dhe vërtetësisë së dokumentit të nënshkruar.

Dokumentacioni i nevojshëm
Për këtë shërbim nuk nevojitet dokumentacion shoqërues

Hapat e procedurës
- Identifikohuni si qytetar në portalin e-Albania; - Zgjidhni shërbimin "Aplikim për pajisje me nënshkrim elektronik për punonjësit qeveritarë"; - Klikoni butonin "Përdor"; - Plotësoni të gjithë të dhënat e nevojshme të kërkuara në formular; - Kërkesa do të dërgohet në Drejtorinë e Sigurisë e-Gov, në sektorin e fushës së PKI-së dhe procedohet nga specialistët e fushës së Infrastrukturës dhe Çelësave Publikë. - Ju do të njoftoheni me e-mail brenda 10 ditëve pune për marrjen e kredencialeve të nënshkrimit elektronik.

Koha e nevojshme e marrjes së shërbimit
10 ditë pune

Periudha e vlefshmërisë
1-vjeçare

Kostot
Pa pagesë (për institucionet me financim nga buxheti i shtetit)
4800 lekë (për institucionet me vetëfinancim) (Shkarkoni faturën)

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al ose vizitoni http://akshi.gov.al/pki/nenshkrimi-elektronik