Shërbimi elektronik "Certifikatë Rezidence Tatimore" i mundëson tatimpaguesve pajisjen me certifikatën e rezidencës me vulë elektronike, dokumentin vërtetues të pagesës së tatimeve për të ardhurat globale në Shqipëri me qëllim shmangien e taksimit të dyfishtë dhe parandalimin e evazionit fiskal në çdo shtet me të cilat Shqipëria ka një marrëveshje/koventë tatimore. Baza ligjore: - Ligji nr. 9920, datë 19.05.2008, “Për procedurat tatimore”, i ndryshuar; - Ligji nr. 8438, datë 28.12.1998, “Për tatimin mbi të ardhurat”, i ndryshuar; - Udhëzimi nr. 6, datë 10.02.2004 i Ministrisë së Financave dhe Ekonomisë “Për marrëveshjet bilaterale për shmangien e taksimit të dyfishtë dhe parandalimin e evazionit fiskal“.

Dokumentacioni i nevojshëm
Për këtë shërbim nuk kërkohet dokumentacion shoqërues.

Hapat e procedurës
- Identifikohuni si biznes në portalin e-Albania; - Zgjidhni shërbimin "Certifikatë Rezidence Tatimore"; - Klikoni butonin "Përdor"; - Zgjidhni shtetin ku do të depozitohet certifikata e rezidencës; - Zgjidhni vitin fiskal për të cilën kërkohet certifikata e rezidencës; - Klikoni butonin "Shkarko dokumentin e vulosur" për të gjeneruar certifikatën me vulë elektronike. Certifikatën e gjeneruar me vulë elektronike mund ta gjeni në çdo kohë në seksionin "Dokumentet e mia" te hapësira juaj në portalin e-Albania.

Koha e nevojshme e marrjes së shërbimit
Menjëherë

Periudha e vlefshmërisë
Pa afat

Kostot
Pa pagesë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al
Shkarko Kartelën Adisa
Lëshim certifikatë rezidence (AL012044)