Ky shërbim elektronik u vjen në ndihmë subjekteve për të aplikuar online për akt-miratim higjieno-sanitar. Të gjithë subjektet shtetërore ose private, të cilat ofrojnë shërbime ndaj qytetarëve duhet të jenë të pajisur me akt miratimin higjieno-sanitar, i cili është një dokument që lëshohet nga Inspektorati Shtetëror Shëndetësor. Inspektorati Shtetëror Shëndetësor bën ekspertimin paraprak për subjektin që do të pajiset me akt miratimin higjieno-sanitar, merr masa në mbrojtje të shëndetit publik, apo ushtron kontroll për gjëndjen shëndetësore të punëmarrësve. Baza ligjore: - Ligj nr.7643 datë 02.12.1992 “Për inspektimin sanitar” i ndryshuar; - Udhëzim nr. 510, datë 13.12.20111 “Për inspektimet higjieno-sanitare në funksion të lëshimit të Akt Miratimit Higjieno-Sanitar”; - Udhëzim nr. 139, date 14.04.20111 “Për lëshimin e Akt Miratimit Higjieno-Sanitar”;

Dokumentacioni i nevojshëm

Dokumente që sigurohen nga nëpunësit e administratës	Dokumente që ngarkohen nga aplikanti
1. Akti i regjistrimit të subjektit sipas legjislacionit në fuqi pranë QKB	1. Planimetria e subjektit nga një subjekt i licensuar.
	2. Raporti mjeko-ligjor i punonjësve (KML)
	3. Libreza shëndetësore e punonjësve
	4. Dokumenti i dezinfektimit të subjektit (Certifikata DDD).
	5. Raport analiza e ujit
	Për subjekte që ushtrojnë veprimtari në fushën e shëndetit
	6. Kontratë për evadimin e mbetjeve të rrezikshme spitalore
	7. Kontrata me një mjek të licencuar për sigurinë e shëndetit në punë
	8. Leje e ushtrimit të profesionit lëshuar nga Urdhërat Profesionalë (mjekut, stomatologut, infermierit, farmacistit)

* Mbledhja e dokumentacionit shoqërues të mësipërm që më parë ishte detyrim të dorëzohej në zyrat e shtetit nga vetë aplikanti, tani është detyrë e nëpunësit të administratës ndaj qytetarit. Me dhënien e aprovimit, ju bini dakord që këto dokumente të sigurohen për ju nga nëpunësi i administratës.

Hapat e procedurës
- Identifikohuni si biznes në portalin e-Albania - Zgjidhni shërbimin “Aplikim për akt-miratim higjieno-sanitar” - Klikoni butonin “Përdor” - Plotësoni formularin e vetëdeklarimit - Klikoni “Dërgo” në faqen e fundit të formularit - Inspektorati Shtetëror Shëndetësor proceson kërkesën tuaj - Pas kryerjes së inspektimit pranë subjektit tuaj, në rast miratimi të kërkesës për pajisje me aktmiratim higjieno-sanitar, do të njoftoheni për pagesën që do të kryeni

Koha e nevojshme e marrjes së shërbimit
30 ditë

Periudha e vlefshmërisë
Pa afat për sa kohë që subjekti nuk ndryshon të dhënat (NIPT, adresën, administratorin, llojin e aktivitetit etj.)

Kostot
Pa pagesë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al