Shërbimi " Vërtetimi i detyrimeve përmbarimore" ju mundëson qytetarëve dhe personave fizikë dhe juridikë, privatë e publikë të marrin online vërtetimin e detyrimeve përmbarimore me nënshkrimin elektronik, i cili është një dokument që lëshohet për të vërtetuar nëse një person fizik, publik ose privat është debitor ose jo në Shërbimin Përmbarimor Gjyqësor Shtetëror. Bazuar në Ligjin nr. 10273, datë 29.04.2010 ''Per dokumentin elektronik'', i ndryshuar, ky dokument me nenshkrim elektronik gjeneruar përmes portalit e-Albania ka të njejtën vlerë ligjore si dokument fizik me vulë të njomë.

Dokumentacioni i nevojshëm
Për këtë shërbim nuk kërkohet dokumentacion shoqërues

Hapat e procedurës
- Identifikohuni si qytetar/biznes në portal; - Zgjidhni shërbimin "Vërtetimi i detyrimeve përmbarimore"; - Klikoni butonin "Përdor''; - Plotësoni formularin elektronik duke përzgjedhur Zyrën Përmbarimore të cilës i drejtoni kërkesën dhe klikoni butonin ''Dërgo'' - Vërtetimi me nënshkrim elektronik dërgohet në seksionin ''Dokumentet e mia'' te hapësira juaj në portalin e-Albania.

Koha e nevojshme e marrjes së shërbimit
1 (një) ditë pune

Kostot
Pa pagesë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al