Shërbimi "Aplikim për regjistrimin e punëdhënësit" u vjen në ndihmë të gjithë subjekteve për t'u regjistruar në Agjencinë Kombëtare të Punësimit dhe Aftësive si dhe të përfitojnë nga shërbimet për punëdhënësin.

Dokumentacioni i nevojshëm
Për këtë shërbim nuk nevojitet dokumentacion shoqërues.

Hapat e procedurës
- Identifikohuni si biznes në portalin e-Albania; - Zgjidhni shërbimin "Aplikim për regjistrimin e punëdhënësit"; - Klikoni butonin "Përdor"; - Për të gjurmuar një aplikim ekzistues, vendosni numrin referencë të aplikimit dhe shtypni butonin "Kërko"; - Për të krijuar një aplikim të ri, shtypni butonin "Aplikim i ri"; - Plotësoni fushat e nevojshme të kërkuara në formular dhe dërgoni aplikimin duke klikuar butonin "Dërgo"; - Zyra e Punës që përkon me adresën e biznesit tuaj njoftohet për ardhjen e aplikimit; - Pas shqyrtimit të aplikimit, Zyra e Punës njofton punëdhënësin nëse aplikimi është pranuar apo refuzuar (së bashku me arsyetimin përkatës); - Në rastin kur aplikimi është pranuar, Zyra e Punës ju kontakton për të marrë informacione të mëtejshme.

Koha e nevojshme e marrjes së shërbimit
5 ditë

Periudha e vlefshmërisë
Pa afat.

Kostot
Pa pagesë.

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al