Shërbimi elektronik "Aplikim për regjistrim në kurset e formimit profesional" u vjen në ndihmë qytetarëve, për t'u regjistruar në kurset e formimit profesional, të ofruar nga Drejtoritë Rajonale të Ofrimit të Formimit Profesional.

Dokumentacioni i nevojshëm
Për këtë shërbim nuk nevojitet dokumentacion shoqërues.

Hapat e procedurës
- Identifikohuni si qytetar në portalin e-Albania; - Zgjidhni shërbimin "Aplikim për regjistrim për kurs formimi profesional"; - Gjurmoni një aplikim të bërë paraprakisht ose bëni një aplikim të ri; - Nëse aplikanti është i papunë, kursin e formimit profesional e fiton falas (përvec kurseve të gjuhëve të huaja) vetëm nëse është i regjistruar pranë Zyrës së Punësimit. Në këtë rast regjistrimi në këtë shërbim bëhet vetëm nëpërmjet kësaj të fundit; - Plotësoni të dhënat e formularit dhe dërgoni aplikimin; - Drejtoria e përzgjedhur Rajonale e Ofrimit të Formimit Profesional njoftohet për ardhjen e aplikimit; - Drejtoria Rajonale e Ofrimit të Formimit Profesional bën shqyrtimin e aplikimit; - Drejtoria Rajonale e Ofrimit të Formimit Profesional njofton aplikantin nëpërmjet adresës e-mail nëse aplikimi është pranuar apo refuzuar, së bashku me arsyetimin përkatës; - Në rastin kur aplikimi është pranuar, atëherë Drejtorisë Rajonale të Ofrimit të Formimit Profesional i dërgon aplikantit detajet, në lidhje me periudhën e zhvillimit të kursit, tarifën përkatese dhe dokumentet e nevojshme për regjistrim. Dokumentat që duhen dorëzuar pranë Drejtorisë Rajonale të Ofrimit të Formimit Profesional në momentin e regjistrimit janë: a. Kopje e nje dokumenti te identifikimit: kartës se identitetit(ID/pasaporte/certifikatë personale); b. Kopje të Dëftesës së shkollës/Diplomë ose vërtetim shkolle që ju keni mbaruar ciklin e detyruar apo të mesme; c. Kopja e printuar e kësaj përgjigje për aplikimin tuaj ose të fletë rekomandimit të Zyrës së Punësimit kur ju jeni i regjistruar si punëskërkues i papunë pranë ZP.

Koha e nevojshme e marrjes së shërbimit
14 ditë

Kostot
Pa pagesë.

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al
Shkarko Kartelën Adisa
Regjistrim për kurs formimi profesional (AL112011)