Shërbimi elektronik "Autorizim për regjim të përpunimit pasiv" mundëson marrjen e autorizimit për lejimin që mallrat shqiptare të eksportohen përkohësisht nga territori i Republikës së Shqipërisë, për t’ju nënshtruar operacioneve të përpunimit dhe produktet e rezultuara të vendosen në qarkullim të lirë, me përjashtim të plotë ose të pjesshëm të detyrimeve. Pas aplikimit subjekti njoftohet me email për miratimin e autorizimit sëbashku me dokumentin e autorizimit të nënshkruar elektronikisht. Baza ligjore: - Neni 191 deri 202, 228 deri 235 i Kodit Doganor nr.102/2014 - Neni 691 deri 692 të VKM-së 651 datë 10.11.2017, Dispozitat Zbatuese të Kodit Doganor

Dokumentacioni i nevojshëm
Dokumentet që duhet të ngarkohen nga aplikanti: - Kontratë me firmën bashkëpunuese; - Fatura; - Dokumentacioni i mallit të importuara më parë; - Garanci bankare ne rast te importit paraprak. Në rast se aplikohet për “RPP - përpunim”: - Kontratë me firmën porositëse; - Karta teknologjike ose procesi teknologjik.

Hapat e procedurës
- Identifikohuni si biznes në portalin e-Albania; - Zgjidhni shërbimin "Autorizim për regjim të përpunimit pasiv"; - Klikoni butonin "Përdor"; - Plotësoni formularin elektronik me të dhënat e nevojshme, duke bashkëlidhur dhe dokumentet e kërkuara; - Klikoni butonin "Dërgo"; - Formulari i dërguar paraqitet në Sektorin e Procedurave dhe Regjimeve Doganore dhe merret në shqyrtim nga specialisti përkatës; - Nëse nuk plotësohen kushtet e nevojshme për të përfituar autorizimin dhe ai refuzohet, specialisti përpilon shkresën duke sqaruar arsyet e refuzimit dhe ia kalon për miratim përgjegjësit të sektorit/Drejtorit të Drejtorise/Zv.Drejtorit të Përgjithshëm. Ju do të njoftoheni me e-mail për me shkresën e miratuar me arsyen e refuzimit. - Nëse plotësohen kushtet e nevojshme për të përfituar autorizimin dhe ai pranohet, specialisti përgatit autorizimin dhe ia kalon për miratim përgjegjësit të sektorit/Drejtorit të Drejtorisë/Zv. Drejtorit të Përgjithshëm. Pas miratimit të autorizimit nga Zv.Drejtori i Përgjithshëm për regjim të përpunimit pasiv, specialisti që ka përgatitur autorizimin kryen përditësimin e tij në sistemin "Asycuda World". Ju do të njoftoheni me e-mail për miratimin e autorizimit, së bashku me dokumentin e autorizimit të nënshkruar elektronikisht.

Koha e nevojshme e marrjes së shërbimit
Nga 1 deri 28 ditë pune

Periudha e vlefshmërisë
Nga 1 deri në 5 vite

Kostot
Pa pagesë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al
Shkarko Kartelën Adisa
Autorizim për regjimin e përpunimit pasiv (AL104024)