Shërbimi elektronik "Regjistrimi i mjeteve lundruese të shërbimeve portuale" është një shërbim elektronik që u mundëson qytetarëve të aplikojnë online për regjistrim të mjeteve lundruese të shërbimeve portuale. Ky shërbim ofron kryerjen e shërbimit portual në port dhe në radë.

Dokumentacioni i nevojshëm

Dokumente që sigurohen nga nëpunësit e administratës	Dokumente që ngarkohen nga aplikanti
1. Certifikatë e sigurisë nga shoqëri klasifikuese (për mjete mbi 40.8 KF)	1. Dokument pronësie (faturë ose kontratë shitblerje)
2. Raport verifikimi (për mjetet që importohen)	2. Dokumenti origjinal nga prodhuesi (për mjetet e reja)
	3. Certifikatë e çregjistrimit nga shteti i origjinës (nëse ka)
	4. Dokumentet e zhdoganimit (për mjetet që importohen)
	5. Mandatpagesa për regjistrim të mjeteve lundruese të shërbimeve portuale me gjatësi mbi 15 m (shkarko këtu), ose për regjistrim të mjeteve lundruese të shërbimeve portuale me gjatësi nën 15 m (shkarko këtu)

* Mbledhja e dokumentacionit shoqërues të mësipërm që më parë ishte detyrim të dorëzohej në zyrat e shtetit nga vetë aplikanti, tani është detyrë e nëpunësit të administratës ndaj qytetarit. Me dhënien e aprovimit, ju bini dakord që këto dokumente të sigurohen për ju nga nëpunësi i administratës.

Hapat e procedurës
- Identifikohuni si qytetar në portalin e-Albania - Zgjidhni shërbimin "Regjistrimi i mjeteve lundruese të shërbimeve portuale” - Klikoni butonin "Përdor" - Plotësoni formularin elektronik me të dhënat e nevojshme të kërkuara në formular - Klikoni butonin “Dërgo” në fund të formularit. - Punonjësi i DPD njoftohet elektronikisht për mbërritjen e dosjes së re dhe verifikon saktësinë e dokumenteve. - Nëse dokumentet janë të plotë, njofton qytetarin për t'i dorëzuar ato fizikisht. Nëse ka pasaktësi ose mungesë dokumentesh, punonjësi i DPD-së njofton aplikantin për pasaktësitë dhe e udhëzon për të riplotësuar praktikën e aplikimit. - Aplikanti paraqitet në sportelin e DPD-së dhe dorëzon dokumentet në hardcopy - Punonjësi i kontrollon ato dhe nëse të gjitha dokumentet janë në rregull ai përfundon procedurën e regjistrimit mjetit lundrues

Koha e nevojshme e marrjes së shërbimit
10 ditë pune

Periudha e vlefshmërisë
1 vit - për mjete të vogla nën 15 metra; Pa afat - për mjete mbi 15 metra

Kostot
16,500 lekë për regjistrimin e mjeteve lundruese të shërbimit portual me gjatësi mbi 15 m (Shkarkoni faturën)
10,000 lekë për regjistrimin e mjeteve lundruese të shërbimit portual me gjatësi nën 15 m (Shkarkoni faturën)

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al
Shkarko Kartelën Adisa