Aplikim për pajisje me Certifikatën e Kompetencës Profesionale (CKP) për herë të parë, është një shërbim elektronik që u vjen në ndihmë qytetarëve të aplikojnë online nëpërmjet portalit për t'u pajisur me CKP për transportin e njerëzve dhe mallrave brenda ose jashtë kufijve të Republikës së Shqipërisë. Në plotësim të detyrimeve që rrjedhin nga Vendimi i Këshillit të Ministrave nr. 325, datë 19.03.2008 "Për miratimin e rregullave për pranimin në veprimtarinë e operatorit të transportit rrugor të mallrave dhe udhëtarëve, si dhe për dokumentacionin zyrtar të caktuar për këta operator" dhe aktet nënligjore në zbatim të tij, DPSHTRR-ja trajnon, teston dhe pajis me Certifikatën e Kompetencës Profesionale (CKP), të gjithë shtetasit që kërkojnë të bëhen drejtues të veprimtarisë së operatorit të transportit rrugor për transportin e mallrave dhe udhëtarëve brenda ose jashtë vendit.

Dokumentacioni i nevojshëm
Duke filluar nga Janari 2020, për dokumentacionin shoqërues të shërbimit do të aplikohet ndarja si në tabelën e mëposhtme:

Dokumente që sigurohen nga nëpunësit e administratës	Dokumente që ngarkohen nga aplikanti
1. Vërtetimin e banimit	1. Fotografi në format 4.2 cm x 3.5 cm
	2. Fotokopje e noterizuar e Diplomës të Shkollës së lartë, sipas kategorisë për të cilën aplikon, ose fotokopje e noterizuar e deftesës së pjekurisë (për transport kombëtar)

* Mbledhja e dokumentacionit shoqërues të mësipërm që më parë ishte detyrim të dorëzohej në zyrat e shtetit nga vetë aplikanti, tani është detyrë e nëpunësit të administratës ndaj qytetarit. Me dhënien e aprovimit, ju bini dakord që këto dokumente të sigurohen për ju nga nëpunësi i administratës.

Hapat e procedurës
- Identifikohuni si qytetar në portalin e-Albania; - Zgjidhni shërbimin "Aplikim për pajisje me Certifikatën e Kompetencës Profesionale (CKP) për herë të parë"; - Klikoni butonin" Përdor"; - Plotësoni formularin elektronik me të dhënat e nevojshme të kërkuara në formular; - Klikoni butonin “Dërgo” në fund të formularit; - Punonjësi i DRSHTRR-së njoftohet elektronikisht për mbërritjen e një aplikimi të ri, duke verifikuar saktësinë e dokumenteve dhe nëse janë të plota; - Në rast se dokumentet janë të sakta, i kthen përgjigje qytetarit duke i kërkuar të dorëzojë dokumentet fizikisht; - Nëse ka pasaktësi ose mungesë dokumentesh, punonjësi i DRSHTRR-tsë njofton aplikantin për pasaktësitë dhe e udhëzon për të riplotësuar praktikën e aplikimit.

Koha e nevojshme e marrjes së shërbimit
5 ditë pune

Periudha e vlefshmërisë
5 vjet

Kostot
Përllogaritja bëhet në varësi të orëve të mësimit dhe nivelit arsimor. Maksimumi i vlerës është 56 200 lekë

Më shumë
Për çdo pyetje apo paqartësi mbi përdorimin e shërbimit mund të kontaktoni në adresën helpdesk@e-albania.al